Deegaano ka tirsan gobolka Sh/Dhexe oo uu ku fatahay wabiga

0
1206

Wabiga shabeele ayaa fatahaad ka sameeyay deegaano ka tirsan gobolka Shabeelaha dhexe gaar ahaan deegaanka Bay-xaaw oo qiyaastii todobo KM dhanka bari ka xiga magaalada Jowhar ee xarunta gobolka Shabeelaha dhexe, sida uu Radio Muqdisho u sheegay guddoomiye ku xigeenka gobolka Abukar Cali Xasan.

Guddoomiye ku xigeenka ayaa intaa ku daray in deegaanada ay fatahaada sameysay ay gaarayso ku dhowaan 20 km oo ahaa dhul beereed, iyadoo sidoo kale uu baabi’iyay dalagyadaii beeraha deegaanadaas isla markaana uu saameeyay tuulooyin aad u badan.

Abukar Cali Xasan, ayaa sidoo kale sheegay in maamulka gobolka iyo shacabka oo iskaashanaya ay wadaan dadaalo loogu hortagayo fatahaada wabiga uu sameeyay, isagoo codsaday in gurmad lala soo gaaray dadka uu saameeyay.

Goobaha uu fatahaada ka sameeyay wabiga Shabeele ayaa shalay waxaa kormeerey wefdi uu hogaaminayo wasiirka Kalluumeysiga iyo Kheyraadka badda, guddoomiyaha gobolka Shabeelaha dhexe iyo xubno kale.

 

Did you like this? Share it:

LEAVE A REPLY

Please enter your comment!
Please enter your name here