Deeq la gaarsiiyay dadkii soo cararay Yemen ee ku sugan Muqdisho

1001

Deeq igu jirta Joodariyaal iyo Raashin ayaa loo qeybiyay qoysas isugu jira Soomali iyo Yemeniyiin  dhawaan dib u dajin loogu sameeyay degmooyinka Shibis iyo Degmada CabdulCasiis ee gobalka Banaadir kaddib markii ay ka soo carareen dalka Yemen.

Boqol lixdan iyo saddex qoys uu ku sugan degmada Shibis ayaa la gaar siiyay joodariyaal ay ku seexdan. Sidoo kale waxaa deeq raashin ah la gaarsiiyay qoysas dhawaan dib u dajin loogu sameeyay degmada Cabdalcasiis. Ganacsato Soomaaliyeed ayaa iska soo uruuriyay deeqdan.

Gudoomiyaha ururka dhallinyarada qaranka Soomaliyed Faadumo Cabdi Warsame oo la hadashay warbaahinta ayaa ugu baaqday dadka dhaqaalaha heysta  in ay ka qeyb qaatan gurmadkan.

 “Waxaan leeyahay ummadda Soomaliyed waxaa lagu yaqaana dad is caawiya, dad isku tabaruca, dad geesi yaal ah ee aan ka baqanin nolasha adag ay Soomalidu soo martay.  25 sano waxey kaga badbaaday kan dalka jooga iyo kan dibadda jooga, waxaan leeyahay Sheekh Al-Yuusuf shirkada waxa ay garatay inay dadka kale ee Soomaliyed gartaan.

Guddoomiyaha degmada Cabdulcasiis ee gobalka Banaadir Cismaan Muxidiin Cali Cariif  oo la hadlay  warbaahinta qaranka ayaa ku boorriyay dadka dhaqaalaha heysta in hantidooda ay ku caawiyaan walalahooda Soomaliyed iyo kuwa reer Yemen ee ku dhibaatesan gudaha dalka.

“Qof kaste oo Soomali waxaa laga rabaa hantida uu Ilaahey siiyay in ummadda masaakinta ah kuwaan kali ma ahanee cid kasta oo baahan oo  Soomali in loo gargaaro loo baahan yahay,  cid kasta  oo Soomali oo Muslim ah oo dhibaateysan in loo gar gaaro ayaa loo baahan yahay,  waxaan leenahay  dadka hantida leh oo Ilaahey hantida siiyay hadhow(Aakhiro) waa la weydiinaaya”.

Xildhibaan Caasho Maxamuud Cumar “Koos” ayaa Tilmaamtay in dadka Soomaliyed looga baahan yahay in ay gudaan abalkii ay u galeen dadka ree Yemen markii ay u qaxeen.

“Walaaleyaal hala iskaashado dowlada iyo dadka Soomaliyeed, dalkaan ceelna uma qodna cidna uma maqna, waa dadkiini kuwa dalka jooga iyo kuwa dibada joogoo soo eega dadkana wax siiya.  1$ wax bey tartaa labaatan kun oo shilina waxbey tartaa, shan kuna waxbey tartaa, qof walba waxuu Ilaahey kuu dhiibay ee waxaad cuneyso maanta dheer (ka badan) walaal iska soo bixi, waxaan leeyahay ummadda Soomaliyed iyo ummudda muslimiinta  oo dhanba Ilaahey dagaallada ragaadiyay Allaha ka dulqaado”

Tan iyo markii ay Soomaliya soo gaareen dadka ka soo cararay dagaalada ka socda dalka Yemen, waxaa gudaha dalka ka socday olole loogu gurmanayay dadka Soomaliyed iyo kuwa Yamaniniiyinta ee ka soo imanaya rabshadaha ka kasocda waddankaasi.

Did you like this? Share it:

LEAVE A REPLY

Please enter your comment!
Please enter your name here