Degmada Kaaraan oo laga hirgeliyay xarun wax lagu barayo agoon “SAWIRRO”

Xaruntan cusub oo lagu magacaabo Geesdiir foundation, looguna talagalay in wax lagu baro carruurta danta yar ee aan waalidintooda awoodin inay geeyaan goobaha waxbarashada ee sida gaarka ah loo leeyahay, gaar ahaan kuwa agoonta ayaa maanta laga hirgeliyay degmada Karaan, halkaasi oo ay ka qeyb galeen mas’uuliyiin ka tirsan maamulka degmada, qeybaha bulshada iyo xubno kale.

Caasho Cumar Geesdiir Guddoomiyihii hore ee Ururka Haweenka Qaranka oo hirgelisay xaruntan ayaa sheegtay inay wax lagu bari doono carruurta iyo haweenka ka soo jeeda qoysaska danta yar, iyadoo xustay inay isugu jirto Dugsi Hoose iyo dhexe oo ka kooban shan fasal, ayna wax ku baran doonaan 90 arday.

Guddoomiye ku-xigeenka Arrimaha bulshada ee degmada Karaan Cabdiqaadir Axmed Maxamed ayaa sheegay in kan maamul ahaan ay la shaqeyn doonaan maamulka Xaruntan, waxaana uu Caasho uga mahadceliyay sida ay u garab taagantahay dadka tabaaleysan.

Xaruntan cusub ee laga hirgeliyay degmada Kaaraan, ayaa waxa ay wax weyn ka tari doontaa wax u qabashada carruurta aan nasiibka u yeelan inay waalidiintooda ay geeyaan goobaha waxbarashada ee sida gaarka ah loo leeyahay.

DSC02613 DSC02620 DSC02623 DSC02639 DSC02641 DSC02643 DSC02644 DSC02651 DSC02654 DSC02656 DSC02657 DSC02660 DSC02664 DSC02665 DSC02669 DSC02694 DSC02700 DSC02705 DSC02712 DSC02725 DSC02733 DSC02735 DSC02736 DSC02737 DSC02738 DSC02741 DSC02742 DSC02745

 

Sawir Qaade:- Farxaan Suleymaan Daahir