Degmada Shibis Oo La Qorsheynayo In Laga Hirgeliyo Maxkamad U Adeegta Bulshada “SAWIRRO”

Degmada Shibis waxaa ay ka mid tahay degmooyinka Gobolka Banaadir wali ma laheyn maxkamad ay u cadaalad raadsadaan dacwooyinkooda waxaa ay u cadaalad dooonan jireen Degmada Shangaani oo daris la ah Shibis..

Guddoomiyaha Maxkamadda Racfaanka Gobolka Banaadir Dr Maxamed Axmed Cusmaan Baari ayaa booqday maanta xarunta degmada Shibis, Asaga oo ka jawaabaya baahiyaha dadka deegaankaasi ay qabaan.

Waxgaradka haweenka degmada oo kulanka ka qeybgalay ayaa sheegay in culeysyo badan uu ka heystay helida adeega garsoorka dalka oo ay ku qaadan jirtay degmooyinka baxsan xaafadooda.

Cali Axmed Cabdulle Guddoomiyaha Degmada Shibis ayaa sheegay in qorshooyinka Maamulkiisa uu ka mid yahay daboolidda baahiyaha dadka deegaanka ee dhanka Garsoorka.

”Waxaan diyaar u nahay ka maamul ahaan in aan ka shaqeyno adeegyada aad u baahan tihiin gaar ahaan garsoorka loo baahan yahay.” Ayuu yiri Guddoomiye Cali Axmed.

Guddoomiyaha Maxkamadda Racfaanka ee Gobolka Banaadir Dr Maxamed Axmed Cusmaan Baari ayaa sheegay in balaarinta adeegga garsoorka Gobolka uu yahay tiirarka shaqadiisa, si dhaqsi ahna uu uga jawaabayo cabashada dadka Degmada Shibis

“Run ahaantii himilooyinka iyo yadadiidlooyinkii aan lahaa ayey qeyb ka tahay in aan sameeyo guud ahaan gobolka Banaadir in Degmo walba ay hesho maxkamad u gaar ah oo fulisa howlaha bulshada Degmada ay u baahan tahay waajib ayaana naga saaran baahinta adeega garsoorka dalka”. Ayuu yiri Dr Maxamed.

Guddoomiyaha Maxkamadda Racfaanka ayaa mudooyinkii dambe waxaa uu waday dadaallo lagu horumarinayo adeegga garsoorka gobolka Banaadir iyo sidii shacabka ay u heli lahaayeen garsoor tayo leh oo loogu geeyo degmooyinka ay ku nool yihiin.

LEAVE A REPLY

Please enter your comment!
Please enter your name here