Dhagar Qabayaal ka tirsan Al-Shabaab oo Xukun lagu riday+(Sawirro)

0
722

Maxkamadda derejada 1aad ee ciidamada qalabka ee sida ee Soomaaliya ayaa xukun ku ridday seddex eedeysane oo ka tirsan Al-Shabaab oo ciidamada amnigu soo qabteen iyagoo walxaha qarxa ku diyaarinayay guri ku yaal deegaanka ceelasha biyaha ee gobolka Shabeellada hoose.

Xukunkaan Maxkamadeed ayaa lagu riday eedaysanayaasha kala ah:-

1- Max’ed C/raxmaan Max’uud,ina Faadumo Sheekh C/llaahi,30jir ah ku dhashay Sh/hoose.

2- Jamaal Max’ed Cali,ina Wiilo Diiriye Jimcaale kuna dhashay Xamar.

3-Axmed Aadan Weerar, ina Dhabo Cilmi Xalane, kuna dhashay Xamar.

Xafiiska Xeer ilaalinta ciidamada Qalabka sida ayaa ku soo eedeeyay seddexdaan nin     ka mid noqosho urur hubaysan oo ku lid ku ah awoodaha qaranka (Qaran dumis).

Dood dheer kadib, Maxkamaddu markay aragtay eedii uu soo gudbiyay Xeer ilaaliyaha Ciidamada Qalabka sida, markay dhagaysatay qiraalka eedaysane Max’ed C/raxmaan Max’uud uu ka hor qirtay garsoorka ciidanka hortiisa,kuna cadeeyay inuu ka tirsan yahay kooxda Al-Shabaab, gaar ahaan qaybta qaraxyada, islamarkaana uu yahay horjoogaha shabaab u qaabilsan inta u dhaxaysa Muqdisho iyo Afgooye,islamarkaana uu ahaa Macallin bari jiray samaynta qaraxyada eedaysanayaasha 2aad iyo 3aad.

sidoo kale maxkamadda markay dhagaysatay qiraalka eedaysanayaasha Jamaal Max’ed Cali iyo Axmed Aadan Weerar ay ka hor qirteen garsoorka ciidanka hortiisa in ay ka tirsan yihiin Al-Shabaab, gaar ahaan qaybta qaraxyada.

Markay dhagaysatay Maxkamadda Baaraha dacwada oo maxkamadda horteeda ka caddeeyay in seddexdaan eedaysane ka tirsan yihiin kooxda Al-Shabaab, waxaana maxkamadda horteeda lagu soo bandhigay Haan ay ka buuxaan walxaha qarxa oo lagu soo qabtay eedaysanayaasha.

Sidaa daraadeed Maxkamadda derejada 1aad ee Ciidamada Qalabka sida waxaa u caddaatay in seddexda eedaysane ay yihiin danbiilayaal galay danbiyada lagu soo eedeeyay waxayna ku xukuntay:-

1- Max’ed C/raxmaan Max’ud Maxkamaddu waxay ku xukuntay Xabsi Daa’in.

Sidoo kale waxay Maxkamadda derejada 1aad ee Ciidamada Qalabka sida min 10 sano oo xabsi ciidan ah ku xukuntay eedaysanayaasha kala ah:- Jamaal Max’ed Cali iyo Axmed Aadan Weerar.

Gebagabadii Maxkamaddu waxay sheegtay in ciddii aan ku qanacsanayn Xukunka uu racfaan u furan yahay.

Did you like this? Share it:

LEAVE A REPLY

Please enter your comment!
Please enter your name here