Dhageysiga dacwadi loo haystay xubno ka tirsan Wasaaradda Caafimaadka oo ka socta Maxkamadda gobolka Banaadir

Maxkamadda gobolka Banaadir ayaa maanta bilowday dhageysiga dacwad lagu soo oogay xubno ka tirsan Wasaaradda Caafimaadka oo lagu soo edeeyay musuq-maasuq hantiyeed.

Dadkan dacwadahooda la dhageysanyo ayaa gaaraya illaa 10 ruux, kuwaas oo ay ku jiraan agaasime waaxeedyo iyo agaasime guud.

Dhammaan xubnahan ayaa xeer ilaalinta dalka waxay ku soo eedeysay lunsashada xoolo dadweyne.

Xeer ilaaliyaha guud ee Qaranka Dr. Suleymaan Maxamed Maxamuud ayaa horey u sheegay in isaga oo kaashanayo xafiiska Hanti dhowraha guud ay soo qabteen 20 qof oo lagu helay musuq-maasuq.

Edeeysanayasha oo todobaadyadii danbe xirnaa ayaa maanta maxkamadda la horgeeyay si dacwadooda loo dhageeysto.

LEAVE A REPLY

Please enter your comment!
Please enter your name here