Dhageyso: Ciidamada Amaanka Soomaaliya oo xalay howlgalo sameeyay Degmada Hodan

1353

Ciidamada amaanka Soomaaliya ayaa xalay howlgalo lagu xaqiijinaayo amniga Magaalada Caasimadda ah ee Muqdisho ka sameeyay Degmasda Hodan ee Gobolka Banaadir.

Howgalkaan oo qaatay saacad badan ayaa intuu socday waxaa ay ciidamada gacanta kusoo dhigeen 400 ruux oo lagu tumaayo in ay gacan saar la leeyihiin Maleeshiyaadka nabad diidka ah ee Al shabaab.

Howgalka ayaa Ciidamada waxaa ku wehlinaayay Guddoomiye ku xigeenka amniga iyo siyaasadda Maamulka Gobollka Banaadir Maxamed C/llahi Maxamed Tuulax iyo Guddoomiyaha Degmada Hodan Maxamed Axmed Cantoobo kuwaasoo ku amaanay Ciidamada shaqada ay u haayaan Shacabka Soomaaliyeed gaar ahaan ku nool Magaalada Muqdisho.

Guddoomiyaha Degmada Hodan Maxamed Axmed Cantoobo ayaa sheegay in Howgalkaan looga gol leeyahay xaqiijinta amniga Degmada iyo Gobolka oo dhan.

Dhanka kale Guddoomiye ku xigeenka Amniga iyo Siyaasadda Maamulka Gobolka Banaadir Mudane Maxamed C/llaahi Maxamed Tuulax oo la hadlay Warbaahinta Qaranka Soomaaliya ka dib markii uu soo dhamaaday Howgalku ayaa sheegay inuu ku amaanayo Ciidamada Amniga Soomaaliya shaqada adag ee ay u haayaan bulshada Soomaaliya waxaa uuna tilmaamay in la sii wadi doono dadaalada lagu xaqiijinaayo amniga Caasimada Dalka ee Muqdisho.

Halkaan hoose ka dhageyso Codadka Guddoomiyaasha:

Did you like this? Share it:

LEAVE A REPLY

Please enter your comment!
Please enter your name here