Dhageyso: Guddiga doorashooyinka Qaranka oo kulan la qaatay jaaliyadda Soomaaliyeed ee Canada

0
804

Mas’uuliyiin ka tirsan Guddiga Doorashooyinka Qaranka ee Madaxa Banaan ayaa kulamo Wadatashi ah Dalka Canada kulayeeshay Jaaliyadda Soomaaliyeed ee Dalkaas ku nool kaas ku aadan sida ugu wanaagsan ee Dadka Soomaaliyeed ee Dibadaha Dagan talooyin uga geysan lahaayeen Doorashadda la filayo in ay Dalka ka dhacdo Sanadka 2021.

Xaliimo Ismaaciil Ibraahim “Xaliimo Yarey” Guddoomiyaha Guddiga Doorashooyinka ee Madaxa Banaan ee Soomaaliya ayaa sheegtay iyada oo lahadleysay VOA-da in ay muhiim tahay kulamada Wadatashiga ee lala sameynayo Qurba Joogta Soomaaliyeed.

Guddoomiye Xaliimo Yarey ayaa sheegtay in Guddigoodu isku qeybiyey Waqooyiga Ameerica iyo Dalalka Yurub si-ay ula kulmaan Dadka Soomaaliyeed ee Dibadaha ku nool Talooyinka ay soo aruuriyaana Horgeyn Doonaan Shirka Madax Maamul Goboleedyada iyo Madaxda Dowladda Faderaalka.

Qaar kamida Jaaliyadda Soomaaliyeed ee degan Dalka Canada ayaa soo dhaweeyey Mas’uuliyiinta Guddiga Doorashooyinka Madaxa Banaan iyo qaabka ula sameeyeen kulamada Wadatashiga ah.

Guddiga Doorashooyin Madaxa Banaan ee Qaranka ayaa wada Qorshayaal badan kuwaas oo ay kamid yihiin sidda ugu wanaagsan ee Dalka uga dhici karto Doorasho Qof iyo Cod ah Marka lagaaro Xiliga loo qorsheeyey in ay Doorashadu dhacdo ee Sanadka 2021.

Halkaan hoose ka dhageyso Codka Xaliimo yareey:

 

Did you like this? Share it:

LEAVE A REPLY

Please enter your comment!
Please enter your name here