Dhageyso: Maamulka degmada Hobyo oo faah faahin ka bixiyay wafdi ka socday Turkiga oo shalay gaaray Hobyo

0
1327

Guddoomiyaha Magaalo xeebeedka dekedda leh ee  Hobyo C/llaahi Axmed Cali Faad oo la hadlay Radio Muqdisho Codka Jamhuuriyadda Soomaaliya ayaa faah faahin ka bixiyay wafdi ka socday Dowladda Turkiga kuwaa soo shalay gaaray Magaalaada xeebta leh ee Hobyo.

C/llaaahi Axmed Cali Faad Guddoomiyaha  Degmada Hobyo wareysigaan uu siiyay Radio Muqdisho ayuu ku sheegay Codka Jamhuuriyadda Soomaaliya in wafdiga Turkiga ay kala hadleen ayna hordhigeen baahiyada ay qabaan bulshada Soomaaliyeed ee ku nool Magaalaada Hobyo kana mid ah degmooyinka Gobolka Mudug.

Guddoomiye C/llaahi Axmed Cali Faad ayaa tilmaamay in wafdigu ay balan qaadeen in sida ugu dhaqsiyaha badan ay u bilaabi doonaan mashaariic horumarineed kuwaa soo lagu bilaabi doono goobaha adeegyada aas aasiga ah loogu qabto bulshada.

Magaalada xeebta leh ee Hobyo ayaa ka mid ahayd deegaanadii dhawaan uu booqoshada taariiqiga ah ku tagay Madaxweynaha Jamhuuriyadda Soomaaliya mudane Maxamed C/llaahi Maxamed Farmaajo taasoo uu balan qaaday Madaxweynihu in Dowladda Federaalka Soomaaliya ka fulin doonto Mashaariic kala duwan oo lagu sameynayo goobaha danta Guud.

Halkaan hoose ka dhageyso Codka:

 

 

Did you like this? Share it:

LEAVE A REPLY

Please enter your comment!
Please enter your name here