Dhageyso: Wasaaradda Dastuurka XFS oo faah-faahin ka bixisay halka uu marayo dhamaystirka Dastuurka Qaranka

0
354

Wasiirka Wasaaradda Dastuurka xukumadda Federaalka Soomaaliya mudane C/raxmaan Xoosh Jabriil ayaa sheegay Wasaaraddu dadaal xooggan ku bixinayso dhamaystirka Dastuurka Dalka hadana ay wadaan qorshayaal bulshada Soomaaliyeed ee ku nool tuulooyinka iyo Gobolada Dalka ku gaarsiin lahaayeen kala tashan lahaayeen arrimaha Dastuurka.

Mudane C/raxmaan Xoosh Jabriil Wasiirka Wasaaradda Dastuurka xukumadda Federaalka Soomaaliya oo arrimo shaqo ku jooga magaalada Baydhabo ee Xaruunta Gobalka Baay ahna Caasimadda KMG ah ee Maamulka koonfur galbeed Soomaaliya ayaa sheegay in dhamaystirka Dastuurka Qaranka uu yahay mudnaanta Dowladda dhexe.

Wasiirka ayaa tilmaamay in Wasaaradda Dastuurka iyo madaxda Dowladdu isku raaceen qorshe ku aadan sidii dhamaadka sanadkaan 2018 loo dhamayn lahaa shaqada iyo dibu eegista Dastuurka qaranka Soomaaliyeed si Dalka loo gaarsiiyo doorasho marka la gaaro Sanadka 2020-2021.

Magaalada Baydhabo ee Xaruunta Gobalka Baay ayaa shalay waxaa ka furmay shir looga hadlaayo arrimaha Dastuurka Qaranka iyadoo ay ka qeyb galeen Wasiiradda Dastuurka dowladda goboleedyada iyo dowladda dhexe kaasoo la filaayo in Maanta lagu soo gaban gabeeyo Baydhabo qodobana laga soo saaro.

Wareysigaan ayuu Wasiir xoosh siiyay Laanta afka Soomaaliga ee VOA taasoo bahwadaag la ah Warbaahinta Qaranka Soomaaliyeed isagoo jooga magaalada Baydhabo ee Xaruunta Gobolka Baay oo ka mid ah deegaanada hoos yimaada Maamulka koonfur galbeed Soomaaliya.

Halkaan hoose ka dhageyso Codka Wasiirka:

 

Did you like this? Share it:

LEAVE A REPLY

Please enter your comment!
Please enter your name here