Dhalinyarada  dalalka Islaamka oo taagaareya Turkiga

0
5194

Shir caalamiga ah oo ay isugu yimaadeen dhalinyo ka kala socota wadamada caalamka islaamka ayaa lagu qabtay dalka Turkiga, kaas oo u jeedkiisu ahaa taageeridda dimoqraadiyada Turkiga.

Kulanka oo ahaa kii ugu horeeyay oo ay isugu yimaadaan dhalinyarada wadamada muslimka ah ayaa loo bixiyay madasha iskaashiga iyo wadahadalka ee dhalinyarada Islaamka ayaa lagaga dhawaaqay dalkaas si loo muujiyo garab istaaga Turkiga.

Ku dhowaad  300 oo dhalinyaro ah oo ka kala socota 56 wadan oo ku jira ururka iskaashiga islaamka ayaa lagu qabtay magaalo xeeboodka Antalya, waxaana shirkan soo qaban qaabiyay garabka dhalinyarada ururka OIC oo kaashanaya wasaaradda dhalinyarada iyo cayaaraha ee dalka Turkiga.

“Waxaan casuumaad u fidinay hogaamiyeyaal iyo madaxda hey’adaha islaamka dalalka caalamka islaamka si loo muujiyo isku duubnaan iyo garab istaaga Turkiga, iyadoo loo marayo wadiiqooyin kala duwan sida warbaahinta iyo baraha bulshada ay ku xiriirto,”.

“Anaga, waxaanahay muwaadiniinta wadamada ururka OIC,waxaan ka soo horjeednaa isku daygii afgambi ee dhiiga ku daatay ee Turkiga ka dhacay 15 bishii Luulyo, 2016, iyo ficil kasta oo carqaladeynaayo dowladda iyo shacabka Turkiga,”  sidaa waxaa sheegay qaban qaabiyaasha shirka.

Munaasabadii xiritaanka shirka ayaa Elshad Isgandarov, oo ah madaxa  madasha iskaashiga iyo wadahadalka dhalinyarada wadamada islaamka oo loo soo qaabiyo ICYF-DC, ayaa dhankiisa sheegay in shirkan uu astaan u yahay sida ay diyaar ugu yihiin dhalinyarada muslimka ah garab istaaga walaalahooda Turkiga ah.

Ugu dambeyntii dhalinyarada shirka ka soo qeybgashay ayaa sameeyay bar ama madal laga dhex sameeyay baraha bulshada taas oo loo bixiyya #YouthWithTurkey – waxayna gaartay todobo milyan oo ruux kuwaas oo isticmaalaya warbaahinta bulshada si ay ugu caawiyaan Turkiga xaqiijinta dimoqraadiyada.

 

Did you like this? Share it:

LEAVE A REPLY

Please enter your comment!
Please enter your name here