Dhallinyarada Soomaaliyeed ee K/Afrika oo shaqooyinkoodi u bedeshay wadidda Taxsiyada

4418

Dhalinyarada Soomaalida South Africa oo kusoo badanayo magaalooyinka iyo wadadda Gawaarida Taxi ga loo yaqaano kaddib markii meelaha Tuulooyinka ay dilalka ku bateen

Dhalinyaradan ku soo badanaysay Dalka K/Afrika sanadihii ugu dambeyay oo dhibaatooyin kala kulma ganacsiyada Tuulooyinka ay u badanyihiin dadka madowga ee K/Afrikanka ayaa waxaa mudooyinkan dambe ay kusoo badanayeen Magaalooyinka gaar ahaan Xaafadaha Soomaalida,

Waxay dhalinyaradan shaqooyinkooda u badasheen wadidda Tagsiyada u kala goosha magaalooyinka Pretoria iyo Johannseburg oo qiyaastii isu jira 60 km,waxeyna badanaa Tagaasiyadan qaadaan Soomaalida.

Wariyaha Radio Muqdisho iyo SNTV uga soo warama dalkaasi C/qaadir Axad, ayaa ku soo waramaya in Dhalinyarada Soomaaliyeed ay badankood u bedesheen shaqooyinkii ganacsiga  wadidda Tagaasiga kaddib markii ay u adkeysan waayeen dhibaatooyinka u badan dilalka ee madowga dalkaasi ugu geystaan tuulooyinka sidaasi darteedna ay dan bideen iney u soo wareegaan magaalooyinka waa weyn.

C/raxmaan Xaaji Xuseen oo ka mid ah dhalinyaradaas ayaa sheegay uu isaga tagay ganacsigiisi kadib boob dhowr jeer loo geystay dukaankiisa.

” Waxaan ka mid ah  dhalinyarada Tagaasileeyda magaalada Pretoria,waxaan horay u lahaa ganacsi waan isaga soo cararay kadib markuu la iga boobay waxaana magaalada u joogaa inaan ku badbaado”ayuu yiri C/raxmaan Xaaji Xuseen

Soomaalida soo gasho dalka K/Afrika waxaa u badan dhalinyaro da”dooda u dhaxeysa 25 ilaa 35 jir , waxayna ka shaqeyaan ganacsiyada qatarta badan ee Tuulooyinka,  dadka la dila waxa ay u badanyihiin dhalinyaro Shaqaalo ah oo qaata ugu badanaan 250 Dollarka Mareykanka.

Did you like this? Share it:

LEAVE A REPLY

Please enter your comment!
Please enter your name here