Dhallinyaro Dhir Beeris Ka Fuliyay Dugsiga Tababarka Booliska Ee Jeneraal Kaahiye “SAWIRRO”

Dhallinyarada Ururka Nabadda Cagaaran ee Soomaaliya ayaa inka badan lixdan geed ku talaalay xarunta Dugsiga tababarka booliska ee Jeneraal Kaahiye, taasi oo ay ku weyneynayaan Todobaadka  Xornimada dalka gaar ahaan xuska 60 sano guuradii ka soo wareegatay xornimada Dalka iyo israacii Gobollada Waqooyi iyo Koonfur.

Dhir beeristan ayaa waxa ay qeyb weyn ka qaadaneysaa soo celinta quruxda bilicda Caasimadda iyo horumarka deegaanka, gaar ahaan dugsiga tababarka ciidanka ee Jeneraal Kaahiye.

Gaashaanle Maxamed Cisman Xirsi ayaa ku booriyay dhallinyarada inay ka qeyb qaataan horumarka dalka, isagoo soo dhaweeyay howlaha ay ka qabteen Dugsiga Jeneraal Kaahiye.

Xasan Mowliid Yaasiin oo hogaaminayay dhallinyaradan isxilqaantay oo ka hadlay muhiimadd howshahan ayaa sheegay in caasimadda dalka ay ka wadaan dhirbeeris, si loo soo celiyo bilicdii ay caasimaddu lahayd.

Gaashaanle Dhexe Cabdulqaadir Axmed Sheekh ayaa ka mahadceliyay howlahan dhirbeerista ay ka sameeyeen dhallinyaradan Dugsiga tababarka booliska ee Jeneraal Kaahiye, isagoo ku booriyay howlaha ay ka wadaan Caasimadda.

LEAVE A REPLY

Please enter your comment!
Please enter your name here