Dhallinyaro isu taagtay inay dhiig ugu deeqaan bukaanada ku jira Isbigaalka Guud ee Gaalkacyo

1006

Ururka Hansare iyo Himilo toosan oo ay ku midoobeen dhallinyaro isugu jirta Puntland Iyo Galmudug oo kaashanaya Maamulka isbitaalka wayn ee Galkacyo ayaa maantay daahfuray mashruuca isdiwaangalinta Dhiig Shubidda, waxana munaasabda kasoo qaybgalay Maamulka degmada Galkacyo, ururada dhallinyarada,Haweenka bahda Caafimaadka hay’adda Bisha Cas iyo Marti sharaf Kale.

 

Afhayeenka Ururka Hansare iyo Himilo toosan  oo ah arday isugu jirta Puntland iyo Galmudug oo u istaagay badbaadinta bukaanada u nafwaaya dhiig la’aanta ayaa sheegay inay ku guulaysteen talaabadii ugu horaysay ee ah inay dhiig ku shubeen keydka dhiigga ee Isbitaalka.

Agaasimaha Guud ee Isbitaalka Galkacyo Dr Maxamed Xuseen aadan oo ka hadlay dhibaatada bukaanada ka haysatay in dhiig loo helo ayaa sheegay intay tahay talaabo fiican in dhallinyaro isxilqaamay inay dhiig ugu deeqaan bukaanada ku jira Isbitaalka.

Dr Maymuun oo iyana ka hadashay munaasabda ayaa sheegtay in bulshadu aysan u wacyigashaneen doorka uu nolosha ku leeyahay dhiiga.

Ugu dambayn Guddoomiyaha Degmada Gaalkacyo ee Puntland Maxamuud Yaasiin Tumey ayaa sheegay in ka maamul ahaan ay diyaar u yihiin kaalintooda ku aadan mashruuca dhiig shubida ee  Isbitaalka Galkacyo.

Mashruucan ayaa noqona kii ugu horeeyay ee laga hirgeliyo magaalada Gaalkacyo si loo badbaadiya dadka u geeriyooda nooca dhiigooda oo la waayay.

 

Did you like this? Share it:

LEAVE A REPLY

Please enter your comment!
Please enter your name here