Dhallinyaro ku baaqay in la joojiyo dagaalada ka socdo Degmada Cadale+Sawirro

Qaar ka mid ah dhallinyaradda Soomaaliyeed uu ku nool Magaalada Muqdisho ayaa ugu baaqay in la joojiyo dagaaladda soo laa,laabtay ee ka dhacay deegaanada hoostada Degmada Cadale ee Gobolka shabeelaha Dhexe.

kulan ay isugu yimaadeen waxaa soo qaban qaabiyay Gudoomiyaha Degmada Xamar Jajab ee Gobolka Banaadir Guhaad sheekh Xasan iyadoo  sidoo kale uu ku suganaa Gudoomiyaha ururka dhalinyaradda Gobolka Banaadir.

Dhallinyaradda ayaana odoyaasha dhaqanka ku booriyay inay ku baxaan sidii wax looga qaban lahaa dagaaladdaan afeeyay dadka reer miyiga ah iyadoo sidoo kale door biday in laga  faa’ideysto kheyraadka ku jira gobolka gaar ahaan dalxiiska ,madaama deegaanku uu leeyahay xeeb aad u qurux badan sidoo kale waxa ay uga mahadceliyeen Gudoomiyaha masuuliyadda uu iska saaray sidii dhalinyarada ay qeyb-uag noqon laheyd deminta colaadaha iyu dib-uhishiinta intabnada.

“Waxaan guddoomiyaha uga mahadcelineynaa kulan qiimaha badan ee uu inoo sameeyay si aan uga dhiidhino dareenkeyna ku aadan dagaalada micno la,aanta ah ee kusoo laa’laabtay deegaano hoostaga Degmada cadalle ee Gobolka Shabeelah dhexe waxaan sidoo kale ku boorineynaa in odoyaasha dhaqanka ay ku baxaan sidii loo demin lahaa dagaalka “

Dhalinyarada ayaa sidoo kale sheegay inay tagi doonaan goobaha ay dagaaladu ka dhaceen si bulshada looga wacyi geliyo in xilligaan adag uu dalka ku jiro looga baahneen dagaallo, waxaa ay ugu baaqeen dhinacayada dirirtu dhax martay inay si sharuud la’aan ah ay joojiyaan dagaalka micno darada ah.

 

 

LEAVE A REPLY

Please enter your comment!
Please enter your name here