Dhallinyaro Soomaaliyeed oo isu soo taagay doorashada Golaha Deegaanka Gobolka Alberta

937

Soomaali ku nool dalka Canada ayaa isu diyaarinaya inay ka qeyb galaan doorashada Golaha Deegaanka ee Gobolka Alberta, si ay qeyb uga noqdaan

Doorashada deegaanka ee Gobolka Alberta oo ah gobolka Labaad ee ay deganyihiin Soomaalida, waxaana sanadkan ku tartamaya saddex dhallinyaro Soomaali ah oo isu soo taagay saddex xil oo kala duwan oo qeyb ka ah golaha deegaanka.

Xukun Gaas Haaruun oo ka mid ah dhalinyarada Soomaaliyeed u tartamaya xilka maamulka magaalada Fort McMurray ee dhanka Waqooyi ka xigta magaalada Edmonton ee gobolka Alberta ayaa sheegay in uu

“Canadian ka cusub waxaa heysata baahi fara badan oo dhanka shaqada, adeegyada bulshada iyo dhinacyada guryaha ayaa heysata, taasi ayaa keentay inaan matalo bulshadaasi, waxaana tani igu dhalatay muddo aan ka shaqeynayay xafiiska Qaxooti kolkaasi oo aan ogaaday baahiyaha gaarka ah ee ay qabaan inti aan iska casilin ka hor, marka hadda waxaan qabaa in arrimahaasi wax laga qaban karo, waana sababta keentay inaan isu soo taago xilkan” ayuu yiri Xukun.

“Sababta aan isu soo sharxay waxa ay tahay inaan wax u qabto dhallinta halkan wax ku baratay, maadaama aan halkan ku noolahay muddo 14 cisho ah” ayuu hadalkiisa ku daray Xukun.

Marka laga soo tego qeybta maamulka sidoo kale waxaa lagu tartamayaa dhanka maamulka Waxbarashada ee deegaanka gaar ahaan magaalooyinka Brooks iyo Edmonton ee isla Gobolka Alberta, waxaana xilkaasi isu soo taagay Axmed Cali (Axmed Mubaarak) oo ah suugaanyahan, waxaana uu intaa ku daray in haddii uu ku guuleysto uu waxbadan u qaban doono bulshada deegaanka.

“Meeshan aan u tartamaya haddii ay yimadaan,waxaan hubaa inaan ku guuleysan karo, markasta codeynta waxaa jirta dad siyaasiyiin ah oo bulshada ku adeeganaya, laakiin waxaan hubaa inaan ku guuleysan karo xilka aan isu soo taagay” ayuu yiri Axmed.

Doorashada Golaha Deegaanka ayaa ka bilaabaneysa guud ahaan magaalooyinka Gobolka Alberta maalinta Isniinta.

 

 

 

Did you like this? Share it:

LEAVE A REPLY

Please enter your comment!
Please enter your name here