Dhaq dhaqaaq ganacsi oo ka bilowday Hobyo “SAWIRRO”

16165
Magaalada Hobyo ee gobolka Mudug ayaa muddo dheer ka dib waxaa ka bilowday dhaqdhaqaaq ganacsi, ka dib markii todobaadkan ay Dekadda macmalka ah ee Hobyo ay ku soo xirteen laba doomood oo shixnado kala duwan wada una raran ganacsato Soomaaliyeed.
Doomahan oo wada Raashinka nuucyadiisa kala duwan, Baabuur, qalabka dhismaha iyo agab kale, ayaa ka kala yimid Mambasa iyo Dubai, waxaana maamulka Galmudug uu canshuur la’aan ka dhigay dhammaan waxyaabaha ka dagaya Hobyo si hawlgalinta Dekadda loo dhiiri galiyo.
C/raxmaan  Cadaawe Maalin waxa oo  gudoomiye u  ah gudi 25-xubnood ka kooban  oo bilihii u dambeeyay  ka shaqaynayay hawlgalinta Dekadda Hobyo, ayaa sheegay in hadda hormar wayn laga sameeyay dhinacyada shaqada Dekadda, wadooyinkii la marsiin lahaa badeecooyinka iyo dhismaha Airport-ka Hobyo.
C/fitaax  Xuseen Sheekh oo ka mid ah ganacsatada ay Doomahan u rarnaayeen ayaa sheegay in hada ka dib ay badeecooyinkooda ay ka soo dajin doonaan Hobyo.
Maareeyaha Dekadda Hobyo C/risaaq Maxamed Ducaale iyo Gudoomiyaha Degmada Hobyo ayaa sheegay in fursado badan oo maalgashi ay ka banaanyihiin magaaladan oo hadda isu diyaarinaysa inay noqoto il dhaqaale oo muhiim ah.
Boqolaal xoogsato ah ayaa hadda subax walba u shaqo tagaya Dekadda Macmalka ah ee Hobyo si ay Doomahan u dajiyaan.
DSC00642 DSC00679 DSC00689 DSC00708 DSC00715 DSC00721 DSC00724 DSC00728 DSC00735 DSC00737 DSC00738 DSC00740 DSC00743 DSC00744 DSC00749 DSC00758 DSC00762 DSC00769
Maxamuud Cabdi Diirshe
Did you like this? Share it:

LEAVE A REPLY

Please enter your comment!
Please enter your name here