Dhibaatada lagu qabo qaadashada sharciga Koonfur Afrika oo laga hadlay “SAWIRRO”

Kulan balaaran oo si wadajir ah ay usoo qaban qaabiyeen Jaaliyadda Soomaaliyeed ee dalka Koonfur Afrika, hey’ada  action support  iyo waliba ururka haweenka Soomaalida ee marka magacooda la soo gaabiyo loo yaqaan SOSOWNET ayaa waxaa looga arrinsanayay dhibaatooyinka dhanka sharciyada ka heysta dadka qaxootiga ah ee ku nool dalka South Africa, ayada oo uu goob joog ahaa Agaasimaha Wasaarada sharci bixinta u qaabilsan Dowladda Koonfur Afrika

Goobta kulanka lagu qabanayay waxaa soo buux dhaafiyay boqolaal shacab ah oo kasoo kala jeeda dalalka Africa gaar ahaaan Soomaalida, waxaana si weyn uga dhax muuqday Hooyooyin Soomaaliyeed oo carruur aad u yaryar dhabarka ku sita isla markaana ay heysto daruufo kala duwan, waxaana ay dhibaatooyin ku qabeen sharciyada ay bixiso Wasaaradda arrimaha gudaha ee Koonfur Afrika.

Qaar ka mid ah haweenka oo fursado loo siiyay in ay ka hadlaan caqabadaha ka heysta helista sharciyada, waxaa ay goobta ka sheegeen in muddo dheer oo ay rafaad ku qabaan halista sharciyadaas ugu dambeyna lasoo siiyay warqad ah in 14 maalin gudahooda ay dalka uga baxaan taa oo ay usii dheertahay in aysan tagi karin goobaha cafimaadka, waxbarashada iyo waxyaabaha la mid ka ah hadii ay u baahdaan.

Faadumo Xasan Cali oo Guddoomiye ka ah hey’ada matasha haweenka Soomaalida ee ku nool Souuth Africa ayaa warbaahinta Qaranka u sheegtay in hooyooyinka Soomaaliyeed dhibaatada ugu badan ay kala kulmaan sharci la’aanta.

“Dhibaato badan baan ku qabnaa arrimahaan mudo ayeyna soo jiitamayeen carruurta iskuulada ma geysan karaan, isbitaalada ma tagi karaan oo lagu dhibaa, hey’adaha caawiya kuwa danyarta ahna waxaa ay rabaan sharciyo hadii ay UN-ka ka codsan lahaayeen in dib u dajin loogu sameeyo tan saddaxaad sharci la’aanta looma ogolaanayo fursadahaas”ayay tiri Faadumo.

Kulankaan waxaa codsaday Jaaliyadda Soomaaliyeed sida uu Warbaahinta Qaranka u sheegay Caamir Sheekh gudoomiyaha Jaaliyada markii ay arkeen caqabadaha  Soomaalida ka heysta dhanka sharci yada.

“Kulankaan Jaaliyadda ahaan ayaan u codsanay maadaama dhibka xaruntaan ka jira uu aad u badanyahay sanadkii dambe waxaaba lasoo celiyay Soomaali fara badan oo loo diiday in la siiyo sharciyada dal ku jooga marka in aan madaxda xaruntaan iyo shacabka aan is hor fariisino ayaan ugu taa galnay”ayuu yiri Caamir.

Agaasimaha Wasaarada sharciga home affairs qeybteeda sharci siinta dadka ajaanibta ah oo goobta kula hadlay Soomaalida ayaa sheegay in uu xoogga saari doono la socodka xaaladaha xarumaha laga qaato sharciyada dalka jooga ee la siiyo dadka soo galootiga ah, waxaana goobta uu ka qaaday heesta astaanka Qaranka Soomaaliya taa oo uu ku sheegay in Soomaalida uu xariir wanaagsan kala dhaxeeyo taariikh fog oo qoto dheerna ay leeyihiin .

Kulankaan ayaa kusoo aadaya xilli sanadka soo socda ee 2016 ka la filayo in guud ahaan isbadalo lagu sameeyo hanaanka sharci siinta dadka magan galyo doonka ah ee yimaada dalka Koofur Africa iyo kuwa hore u joogay intaba.

By C/laahi Maxamuud Amiin “C/laahi Qorshe”

Johannesburg South Africa

IMG_2094 IMG_2098 IMG_2117 IMG_2123 IMG_2127 IMG_2130 IMG_2132 IMG_2134 IMG_2136 IMG_2137 IMG_2140 IMG_2141 IMG_2150 IMG_2153 IMG_2161

LEAVE A REPLY

Please enter your comment!
Please enter your name here