Dhismaha Garoonka Kubadda Cagta magaalada Gaalkacyo oo meel wanaagsan maraya+Sawirro

Kadib markii Ra’Iisul wasaaraha Jamhuuriyada Federaalka Soomaaliya Mudane Xasan Cali Kheyre uu bixiyey lacagtii uu u balan qaaday in xukuumaddu ay uga qayb qaadanayso dhismaha garoonka kubadda cagta cabdullaahi ciise ee magaalada Gaalkacyo ayaa madaxda wasaaradda ciyaaraha iyo dhalinyarada Galmudug waxa ay sheegeen in meel wanaagsan uu marayo qorshii lagu dhisi lahaa garoonka iyada oo ay ku hawlan yihiin guddi wasaaradda ciyaaraha  Galmudug u xilsaartay dhismihiisa.

Agaasimaha Wasaaradda Ciyaaraha iyo dhalinyarada galmudug Cumar Cabdi Maxamed oo lahadlay wakaaladda wararka Qaranka Soomaaliyeed ee SONNA ayaa sheegay in magaalada Gaalkacyo uusan ku oolin garoon ku wanaagsan ciyaaraha xilligaana guddiga uxilsaaran dhismaha garoonku ay ku mashquulsan yihiin meel wanaagsana  ay wax umarayaan garoomada lagu ciyaari jiray oo bacaad ahaa ayaa laga maarmayaa marka rooga la saaro garoonka

Qorshaha lagu dhisayo garoonkan oo soo bilawday sanadkii hore  ayuu Cumar Cabdi sheegay in fursad weyn ay u tahay dhalinyarada soomaaliyeed  ciyaarahana horumar laga sameeyey Galmudug maadaama uu yahay mid aad u weyn waqti dheerna lagu ciyaarayey

Garoonka cabdullaahi Ciise ee magaalada Gaalkacyo oo ubaahnaa dayactir waxaa ku ciyaara kooxo kala duwan oo ka jira magaalada Gaalkacyo xilliyada qaarna waxa lagu qabtaa ciyaaraha gobollada ee wasaaradda ciyaaraha Galmudug marti geliso bahda ciyaaraha ayaa sugayey in ay helaan garoon ku haboon ciyaaraha waana tallaabo dhanka horumarka loo qaaday in la hirgeliyo Garoon caalami ah magaalada Gaalkacyo.

  

LEAVE A REPLY

Please enter your comment!
Please enter your name here