Dhismaha Maamulka Deegaanka Ceeldibir oo lagu guuleeysatay ‘Sawiro’

0
3422

Masuuliyiin ka tirsan Maamulka Gobolka Mudug ee Dowladda Goboleedka Gal mudug ayaa qayb galay dhismaha maamulka Deegaanka Ceel dibir ee bariga gobalka mudug. Dhismaha maamulka deegaanka ayaa qeyb ka ah qorshaha dar dar galinta dhismaha maamulada gobalada iyo dagmooyinka Galmudug

Gudoomiyaha Deegaanka Ceeldibir Cabdi Raxmaan Sheikh Xasan oo ka hadalay munaasabad lagu qabtay deegaanka ayaa waxa uu sharaxaad ka bixiyay ujeedka munaasabada, isaga oo sheegay in ay ahayd aayo ka talinta dadka deegaanka iyo in ay helaan maamul ka shaqeeya hormarinta deegaanka.

Munaasabada ayaa waxaa intaasi kadib waxaa ka hadlayay xubnihii matalayay qeybihii kala duwanaa ee bulshada deegaanka ceeldibir kuwaasi oo sheegay in mar kale ay codkooda siiyeen maamulkii waqtigiisu dhamaaday oo ay isla garteen dhamaantood in uu sii hogaamiyo maadaama wax badan ay ka qabteen dhibaatooyin dhanka adeega bulshadaa ee ka jiray deegaankaasi iyada oo guud ahaan ay si gacan taag ah ugu codeeyeen in ay raali ku yihiin maamulkoodii hore.

Ugu danbeeyna gudoomie ku xigeenka Arimaha Maamulka iyo Maaliyadda gobalka mudug Axmed Maxamed Shire (Qoodaar) ayaa soo xiray asagoona sheegay in ay soo dhaweeynayaan go`aanka bulshada reer ceeldibir ayna la shaqeeyn doonaan maamulka ay soo doorteen

Bulshada ku nool dagmada  ceeldibir ee bariga  gobalka mudug ayaa noqanaya shacabkii ugu horeeyay eek u nool deegaanada gobalka mudug oo isku raacay dhamaantood in mar kale ay doortaan maamulkii usoo shaqeeynayay labadii sano ee u danbeeysay kadib markii ay xuseen ineey ku qanacsan yihiin waxqabadkii maaamulkoodii hore oo ay tilmaameen in uu wax weyn ka qabatay dhibaatooyin farabadan oo la xariira dhanka adeegyada bulshada ee ka jiray deegaankaasi iyo deegaanada hoostaga.

vlcsnap-2016-08-05-14h01m21s201 vlcsnap-2016-08-05-14h00m46s115 vlcsnap-2016-08-05-14h00m20s142 vlcsnap-2016-08-05-14h00m02s213 vlcsnap-2016-08-05-13h59m43s33 vlcsnap-2016-08-05-13h59m17s13 vlcsnap-2016-08-05-13h59m03s120 vlcsnap-2016-08-05-14h03m24s193 vlcsnap-2016-08-05-14h03m37s58 vlcsnap-2016-08-05-14h02m08s197

W/D=Wariye C/risaaq Maxamed Axmed (Galkacyo)

Did you like this? Share it:

LEAVE A REPLY

Please enter your comment!
Please enter your name here