Dhismaha Wakaaladda Hindisaha oo meel gabo gabo ah mareysa “SAWIRRO”

0
3690

Dhismaha wakaalada Hindisaha Soomaaliyeed oo dib u dhis ay ku sameysay Wasaaradda howlaha guud iyo dib u dhiska Xukuumadda Soomaaliya oo kaashaneysa  bulshada qaybahooda kala duwan ayaa waxa uu hadda maraa dhismaheedu heer gaba gaba ah, waxaana lagu wadaa dhawaan in xariga laga jaro Wasaaradana ay u noqoto xarun KMG ah .

Deeqdii ugu horeysay oo ka timid hay’adda SSG oo ah hay’ad iyadu taageerta dhismaha hay’adaha dowladda ayaa waxaa la wareegay Wasiirka howlaha guud iyo dib u dhiska Eng Saalax Sheekh Cismaan, deeqdaaas oo ah qalab xafiiseed kumbuyiitaro ah oo gaaraya 30 isla markaana loogu talagalay in lagu qalabeeyo xafiisyada Wasaaradda.

Wasiirka Wasaaradda howlaha guud Eng Saalax ayaa uga mahad naqay hay’adda SSG taageeradee iyo qalabka ay guddoonsiisay, waxaana uu sheegay in wax badan uu ka tari doono habsami u socodka howlaha Wasaaradda, isagoo sidoo kale u mahad celiyay qaybaha bulshada Soomaaliyeed ee iyana ka qayb qaatay dib u dhiska xarunta.

Wasiirka ayaa dhanka kale waxaa uu ka warbixiyay safar shaqo oo uu dhawaan ku tagay dalka Talyaaniga, waxaana uu Wasiir Saalax sheegay in dowladda Talyaaniga maalgashadayaal u dhashay uu la soo saxiixday heshiis ah in dalka maalgashi ay ku sameeyaan isla markaana dekada iyo garoonka ugu weyn Africa laga hirgaliyo Soomaaliya.

1 2 3 4 5 6 7

Did you like this? Share it:

LEAVE A REPLY

Please enter your comment!
Please enter your name here