Dhuusamareeb: Horjooge ka tirsanaa Al-Shabaab oo dowladda isu dhiibay

0
1901

Horjooge ka tirsanaa kooxda Al-Shabaab ayaa isu soo dhiibay masuuliyiinta dowladda ee ku sugan degmada Dhuusamareeb ee gobolka Galguduud.

Wariye Maxamed Cabdi Maxamed oo ka tirsan Radio Muqdisho ayaa ku soo warramaya in Cabdullaahi Axmed Muxumed oo Al-Shabaab u qaabilsanaa miinooyinka uu isu dhiibay ciidamada dowladda. Cabdullaahi wuxuu muddooyinkii dambe ku sugnaa degaanka Gal-Hareeri oo ka tirsan Galguduud.

Mahad Khaliif Rooble, oo ah madaxa amniga Galguduud ayaa tilmaamay in ninkaani uu la soo xiriiray saraakiisha dowladda, kaddibna ay soo dhaweeyeen.

Guddoomiyaha degmada Dhuusareeb Macalin Cabdiraxmaan Cali Maxamed ayaa tilmaamay in dowladdu ay soo dhaweyneyso dadka ka soo laabanaya fikirka khaldan ee kooxda Al-Shabaab.

Cabdullaahi Axmed Muxumed oo ka tirsanaa Al-Shabaab wuxuu sheegay in tababar miinooyinka ku saabsan loogu qaaday dalka Yemen, ka hor inta uusan bilaabin inuu miinooyin galiyo goobo badan uu dalka ka mid ah, wuxuu sheegay in magaalooyinka Muqdisho, Beydhaho iyo qeybo ka mid ah Galguduud oo galin jiray miinooyin muddadii uu ka tirsanaa kooxda Al-Shabaab.

Did you like this? Share it:

LEAVE A REPLY

Please enter your comment!
Please enter your name here