Dib u habeynta manhajka waxbarashada ee dalka oo laga hadlay

Kulankaan looga hadlayay manhajka Waxbarashada Soomaaliya sidii dib u habeyn loogu sameyn lahaa oo waxbarashada dalku hal manhaj u yeelan lahayd ayaa waxaa uu maanta ka qabsoomay magaalada Muqdisho, waxaana ka qayb galay mas’uuliyiin ka socotay Wasaaradda Waxbarashada iyo Tacliinta sare ee Xukuumadda Federaalka iyo sidoo kale mas’uuliyiin ka socotay maamul goboleedyada dalka ka jira, waxaa kale oo ka qayb galay xubno ka socday Jaamacada Ummadda Soomaaliyeed iyo sidoo kale hay’ada waxbarashada Africa .

Kulanka ayaa waxaa lagu soo bandhigay warbixin laga soo sameeyay ilaa 11 gobol oo dalka ka tirsan, waxaana ka qayb galayaasha la siiyay siminaar hal maalin ah, waxaana dadka ka qayb galay looga fadhiyaa in ay soo saaraan go’aan mideysan oo manhajka waxbarashada dalka lagu sameynayo .

Agaasimaha Tacliinta sare ee Wasaaradda Waxbarashada mudane Ismaaciil Yuusuf oo ka hadlay kulanka ayaa sheegay in muhiimadda kulanku yahay in dib u habeyn lagu sameeyo manhajka waxbarashada dalka, isla markaana xubnaha kulanka loo qabtay looga fadhiyo in Soomaaliweyn ay u soo saaraan  manhaj tayeysan.

“Manhajkaan u baahanahay maanta waxaa uu noqon karaa sida meeshaan ku taala manhaj dhisi kara waxbarashada, manhaj aan dadka isku diri karin  barnaamijkaan maanta ku saabsan  hay’adaan INT ay nagala qayb qaadaneyso Wasaaraduna ay hogaamineyso, waxaan rabnaa in aad looga dodo”ayuu yiri Ismaaciil.

Wasiir ku-xigeenka Wasaaradda Waxbarashada iyo Tacliinta sare Mudane Xaamud Cali Xasan ayaa waxaa uu si faah faahsan uga hadlay muhiimada ay leedahay in dalku yeesho manhaj mideysan waxaana uu la dar daarmay ka qayb galayaasha inay ka faa’iideystaan siminaarka loo furay.

“Waxaa weeye howshu howl yar maahan. in la is xilqaamo  ma ahan work shop-kaan in la fariisto oo la iskaga tago, waxaa weeye mas’uuliyad weynbaa idin saran, qodobada laga dhaqaaqayo idinka ayaa sameynaya iyo manhajka laga dhaqaaqayo ee aan Ummadda dhex geyneyno oo dowladda dhex geyneyno”ayuu yiri Wasiir ku-xigeenka.

.

LEAVE A REPLY

Please enter your comment!
Please enter your name here