Dib u howlgelinta Isbitaalka Xudur oo halsano jirsatay “SAWIRRO”

Munaasabadaan lagu soo bandhigayay waxqabadka isbitaalka Degmada Xudur ee xarunta Gobolka Bakool oo dib u howlgelintiisa ay ka soo wareegatay mudo hal sano ah ayaa waxa kasoo qeybgalay mas’uuliyiinta maamulka degmada, bahda caafimaadka, aqoonyahanno, Isuduwaha Wasaaradda Caafimaadka ee Gobolka Bakool iyo qaar ka mid ah bulshadii adeegyada caafimaadka looga fidinayay tan iyo bilowgii sanada 2018.

 

Ugu horeyn Madaxa Caafimaadka isbitaalka Degmada Xudur Dr. Cismaaciil Maxamed Jeyte ayaa ka warbixiyey wax qabadka Cisbitaalka.

“Halsano ka hor wax adeeg caafimaad ah kama jirin magaalada Xudur ee Gobolka Bakool, Cabdi Ooyow wuxu ka mid yahay qoysaska ehladooda ku waayay isbitaal la’aanta ka jirtey magaalada xudur, waxaana aad ugu faraxsanahay in iminka uu si aad ah  u shaqeeyo isbitaalka” ayuu yiri Dr Cismaan.

Wardheere Axmed wuxu ka mid yahay dadka eheladooda adeeg caafimaad looga fidiyay isbitaalka, wuxuna sheegey in xaaskiisa oo mudo dhowr maalmood ah foolanaysay qaliin lacag la’aan ah loogu sameeyey iyada iyo ubadkeedana la kala badbaadiyey.

Waxa kale oo munaasabadda ka hadlay shaqsiyaad qaliin kala duwan loogu sameeyey isbitaalka. Isuduwaha Wasaaradda Caafimaadka ee Gobolka Bakool Mustaf Maxamed Axmed iyo Cali Adan Axmed oo ku Hadley magaca aqoonyahanada ayaa sheegey in magaalada Xudur ay ka soo kabanayso baahi dhanka adeegyada caafimaad oo ka jitay.

Intaas kaddib Agaasimaha Guud ee isbitaalka Degmada Xudur Dr. Isak Maxamed Noor Boorow kana mid ah dhakhaatiirta ka howlgasha isbitaalka ayaa sheegey in qalabka haatan ay ku shaqeynayaan aysan ku filneyn. isagoo u mahadceliyey Wasaaradda caafimaadka ee Koonfur Galbeed oo gacanta ku haysa isbitaalka.

Gabagabadii munaasabada waxa soo xirey Guddoomiyaha Arimaha Bulshada ee Degmada Xudur Malaaq Cabdiraxmaan iyo Guddoomiye Ku-xigeenka Gbolka Bakool Cabdullaahi Maxamed Nuurr Isnake waxayna shahaado sharaf guddoonsiiyeen dhakhaatiirta isbitaalka.

 

 

 

LEAVE A REPLY

Please enter your comment!
Please enter your name here