Dibad baxyo ka dhan ah Al-Shabab oo ka dhacay Xudur

1245

Boqolaal shacabka reer Xuddur ayaa maanta ka qeyb galey banaan bax looga soo horjeedo weerarkii waxashnimada ahaa ee 14 kii bishaan ka dhacay Iskooska Zoobe ee magaalada Muqdisho, kaas oo lagu gumaaday boqolaal shacab Soomaaliyeed oo aan waxba galabsan, hantidoodana lagu baabi’iyey.

Isu soo baxan oo ay soo qaban qaabiyeen Ururka Dhalinyarada iyo Aqoonyahanada ee Degmada Xuddur ayaa waxaa ka qeyb galay aqoonyahano, waxgarad, culimaa’udiin iyo dhamaan dhallinyarada degmada iyo nawaaxigeega ku nool, kuwaasi oo sitay boorar ay ku qornaayeen hal ku dhigyo ka dhan ah Al-Shabaab.

Shacabka maanta banaan baxa dhigayey ayaa waxa ay muujinayeen sida ay uga ka go’an tahay in ay la dagaalamaan cadowga Ummadda Soomaaliyeed ee Al-Shabaab, ayna ciidamada gacan ku siin doonaan halka ay ku dhuumaaleynayaan argagixisada Al-Shabaab.

Dhinaca kale magaalada Xuddur maanta waxa lagu tukadey Salaad Roobdoon oo ay soo abaabuleen culimaa’udiinka magaalada.

 

 

Did you like this? Share it:

LEAVE A REPLY

Please enter your comment!
Please enter your name here