Dibadbaxyo ka dhan ah masjid la gubay oo ka dhacay Sweden

1276

masjid-la-gubay

Dibedbax looga soo horjeedo  midab takoorka  lagu hayo dadka Maslimiinta  dalka Sweden ayaa dhacay magaalooyinka dalkaasi,  kaddib markii Dab la qabadsiiyey Masjid ku yaalla dalkaasi Sweden.

Sheekh Cabdiraxmaan Faarax Warsame oo ah guddoomiyaha guddiga masjidka dabka la qabadsiiyey oo ay Soomaalidu maamusho ayaa sheegay in ay ka dhiidhinayaan falkan xun ee lagu gubay masjidka.

“Bannaan baxa Soomaalidu waa ka soo qeyb galeen, dadka waddanka deggana waa ka soo qeyb galeen” ayuu yiri Sheekh Cabdiraxmaan.

Wuxuu intaa ku daray in maamulka magaalada ay ka wada hadleen sidii qiimeyn loogu sameyn lahaa khasaaraha ka dhashay masjidka la gubay oo ay ku baaba’een maktabad iyo agabyo kale.

Dadka Muslimiinta ah ee ku nool dalka Sweden ayaa aad uga soo horjeestay tallaabadan oo sida ay sheegeen muujinaysa takoor.

Did you like this? Share it:

LEAVE A REPLY

Please enter your comment!
Please enter your name here