Diblomaasiyiin Mareeykan ah oo ku eedeeyay Xiisadaha Burundi in ay qayb ka tahay Ruwanda

Diblomaasin sare sare oo Mareykan ah ayaa ku eedeeyey dowladda Rwanda inay falal xasilooni darro ah ka waddo dalka ay deriska yihiin ee Burundi, halkaasi oo rabshadaha ka socda ay ku dhinteen boqollaal qof.

Linda Thomas-Greenfield oo ah kaaliyaha xoghayaha arrimaha dibedda Mareykanka ee Afrika,  ayaa guddi ka tirsan aqalka congress-ka Mareykanka u sheegtay in Rwanada ay tallaabooyin milatari ka waddo Burundi.

Kaaliyaha xoghayaha arrimaha dibedda Mareykanka ee Afrika Linda Thomas-Greenfield waxa ay sheegtay inay sidoo kale ka walaacsan yihiin warbixin la isku halleyn karo oo sheegaya in Rwanda ay askar ahaan u qoreyso qaxootiga Burundi ee ku sugan xerooyinka ku yaalla Rwanda.

Linda Thomas-Greenfield ayaa tilmaantay inay muhiim tahay in Rwanda ay kaalin wax dhisid ah ka cayaarto dagaallada gobolka, oo ah bixinta taageero siyaasadeed, balse aan looga baahneyn mid Milatari.

Wasiirka arrimaha dibedda Burundi, Alain Nyamitwe, ayaa sheegay in Burundi ay muddo shaacineysay dhibka Rwanda ay ku hayso, wuxuuna ugu baaqay Mareykanka inay tallaabo ka qaadaan Rwanda.

LEAVE A REPLY

Please enter your comment!
Please enter your name here