Diyaaaradda Qatar Airways oo si rasmi ah u bilowday duulimaadyo toos ah Muqdisho iyo Doxa

Diyaaradda Qatar Airways ayaa maanta duulimaadyo joogto ah ka bilowday Muqdisho iyo magaalada Doxa  ee caasimadda Dalka Qatar, xilli ay kordhayaan Diyaaradaha Caalamiga ah ee duulimaadyada tooska ah ka sameeynaya Soomaaliya.

Diyaaradda Qatar Airways oo garoonka Aadan Cadde fadhida

Munaasabaddii daah furka duulimaadyada Qatar Airways oo Muqdisho iyo Doxa oo todobaadkii saddex jeer isaga kala gudbi doonta waxaa ka qaybgalay Wasiiro, Xildhaanno ka tirsan Barlamaanka Federaalka Soomaaliya, Qaar ka mid ah Safiirada Caalamka ujoogo Soomaaliya, Ganacsato iyo marti Sharaf kale oo aad u badan.

Soomaaliya oo dib u soo kabanaysa ayay maamulka Qatar Airways u arkaan inay ka jiraan fursado badan, Ihaab Imaan Ku-xigeenka  Shirkada Diyaaradaha Qatar Airways, isla markaana hogaaminayey ganacsato ka socotay Dalkiisa oo Muqdisho soo gaaray ayaa tilmaamay in ay aad ugu faraxsanyihiin in maanta ay hirgeliyaan duuliyaadyo toos ah.

Ma aha oo kaliya Qatar Airways diyaaradaha caalamiga ah ee Soomaaliya danaynaya xilligan, taas oo ku timid adeegga garoonka diyaaradaha Muqdisho oo sare loo qaaday iyo dib u kabashada dalka, waxaana jirto dowlado kale oo caalami ah kuwaasi oo doonaya in shirkadahooda diyaaradaha ay keenaan Soomaaliya, si ay halkan uga bilaabaan duulimaadyo joogto ah.

Qatar Airways

Qatar Airways waxay ka mid noqonaysaa tiro diyaarado heer caalami ah oo horay  duulimaadyo Muqdisho uga bilaabay sida Air Jabuti, Turkish Airline,  Ethiopian Airline iyo kuwa kale, waxaana dhawaan ku soo xigo doona Air Uganda oo wafdi horu dhac ah u soo dirtay Soomaaliya.

Qatar Airways  waxa ay ka ka midtahay diyaaradaha rakaabka ee ugu casrisan dunida, duulimaadyana ku tagta  in ka badan 160 dal,  waxayna tani Soomaaliya u leedahay ahmiyad dhaqaale iyo isu socod labada dal ah.

Qatar Airways

LEAVE A REPLY

Please enter your comment!
Please enter your name here