Dood Cilmiyeed ku saabsan shirka maamul u samaynta Mudug iyo Galgaduud oo Cadaado lagu qabtay “Sawirro”

0
1372

Dood cilmiyeedkani maanta lagu qabtay magaalada Cadaado ayaa waxaa ka soo qeyb galay mas’uuliyiin ka tirsan maamulada Ximan iyo Xeeb, Galmudug, Ahlusunna waljamaaca, Aqoonyahano iyo qeybaha kale ee bulshada, waxaana looga dooday habsami u socodka shirka maamul u sameynta Mudug iyo Galgaduud, sidii looga faa’iideysan lahaa fursadaha jira iyo xalinta cabashooyinka jira.

Dood cilmiyeedka ayaa waxaa furay madaxwayne ku xigeenka maamulka Ximan iyo Xeeb Cabdi Maxamed Axmed-nuur, isagoo sheegay inay muhiim tahay doodan loona baahan yahay in had iyo jeer la badiyo wadatashiga bulshada.

Guddoomiyaha Baarlamaanka maamulka Galmudug Xasan Maxamed Hayl ayaa isna furitaanka doodan ka sheegay in ay ka soo bixi karaan talooyin wax ku ool ah.

Intaasi kadib aqoonyanada kulankani hagayay ayaa gudagalay inay ka doodaan qaabka shirku uu u socdo iyo talooyinka ay ku biirinayaan.

Dr C/qaadir Maxamed Geedi oo ka mid ah aqoonyahanada dood cilmiyeedka ayaa yiri”

“Fursadaha la heysto waxaa ka mid ah in dhamaan qeybihii shirkan ka qeyb gali lahaa ay xaadir yihiin oo ay Cadaado joogaan, oo ma jirto cid gabi ahaanba shirkan cid kabaxday oo qaadacday, cabasho waa jirtaa”

Dood cilmiyeedkan oo maalinta beri ah la soo gabagabayn doono ayaa la filayaa in laga soo saaro talooyin wax ku ool ah oo xoojineysa  habsami u socodka shirka maamul u sameynta Mudug iyo Galgaduud.

DSC04456 DSC04459 DSC04462  DSC04467 DSC04470 DSC04471 DSC04472 DSC04473 DSC04476 DSC04478 DSC04479 DSC04481 DSC04483 DSC04485 DSC04488 DSC04490 DSC04494 DSC05590 DSC05592 DSC05594 DSC05597 DSC05600 DSC05604 DSC05605 DSC05609

 

Sawir Qaade:- Maxamed Cabdi Diirshe

 

Did you like this? Share it:

LEAVE A REPLY

Please enter your comment!
Please enter your name here