Dood cilmiyeed ku saabsan sida looga gudbi karo caqabadaha ay haweenku wajahaan xilliga doorashooyinka oo lagu qabtay Muqdisho “SAWIRRO”

Dood cilmiyeedkan oo ay soo qaban qaabisay Xarunta cilmibaarista iyo horumarinta Aadanaha oo kaashaneysa machadka doorashooyinka ee hanaqaadka dimuqradiyadda Afrika islamarkaana ay ka qeyb galeyn xildhibaanno, aqoonyahano iyo qeybaha kala duwan ee bulshada ayaa lagu gorfeeyay Caqbadaha ay haweenka wajahaan xilliga doorashooyinka ,ilaalinta Qoonadada haweenka ee Soddon boqolkiiba (30%) iyo sida guud ahaan  loo xalin karo caqabadaha jira.

Guddoomiyaha   Xaruunta cilmibaarista iyo horumarinta Aadanaha Dr. Luul Salaad Ibrahim oo ugu horeyn kulanka daahfurtay ayaa sheegtay in kulankan uu qeyb ka yahay barnaamijyo is daba jooga oo looga hadlo doorashooyinka oo ay ugu talogaleyn inay ku wada hadlaan qeybaha kala duwan ee bulshada.

Xildhibaan Aamina Maxamed Cabdi iyo Dr. Khadiija Cosoble Cali oo kamida Guddiga Doorashooyinka Qaranka oo ka qeyb galay dooda ayaa ku dheeraaday ka hadalka caqabadaha ay la kulmaan haweenka xilliga doorashooyinka, waxeyna soo jeediyeen in ay isku duubni muujiyaan dumarka Soomaaliyeed si ay u ilaashadaan Qoondadooda  Boqolkiiba Soddon(30%).

Doodan  ayaa qeyb ka ah kulamo is daba jooga oo lagu gorfeeyo doorashooyinka oo ay madaxda Xarunta cilmibaarista iyo horumarinta Aadanaha ugu talogaleyn inay ku wada hadlaan siyaasiyiinta iyo dadka shacabka ah oo ay matalaan, si loo helo fikrado wax ku ool u ah dalka iyo dadka Soomaaliyeed.