Dood fool ka fool ah oo xalay dhex martay Hillary Clinton iyo Donald Trump

4314

Dood fool ka fool ah ayaa dhex martay musharrixiinta madaxtinnimda Mareykanka, Hillary Clinton iyo Donald Trump oo markii ugu horreysay yeeshay dood si toos ah looga baahinayay telefishinnada.

Doodan oo socotay muddo 90 daqiiqo ah ayaa waxaa diiradda lagu saarayay dhaqaalaha, canshuurta, xiriirka u dhexeeya dadka madowga iyo caddaanka ah ee Mareykanka iyo arrimaha amniga.

Trump ayaa Clinton ku eedeeyay in aysan la hayn kartida ay ku noqon karto madaxweyne, halka Clintonna ay Trump ku eedeysay in uusan ka war qabinba wacyiga jira oo uu ku nool yahay duni isaga u gaar ah islamarkaana uu diiday in uu shaaciyo canshuur celintiisa.

Clinton ayaa sidoo kale ku eedeysay Trump in uu amaan u soo jeediyay madaxweynaha Ruushka, Vladimir Putin.

“Aad ayaan ug naxay markii Donald Trump uu ka dalbaday Putin inuu u jabsado cinwaanadeyda. Arrintaasi ma ahan mid la aqbali kara. Donald uma qalmo inuu noqdo taliyaha ciidanka” ayay tiri Clinton.

Donald Trump ayaa isagana ku eedeeyay Hillary Clinton inay khaladaad badan gashay markii ay heysay xilka Xoghayaha Arrimaha Dibadda Mareykanka, isagoo si gaar ah uga hadlay heshiiskii Nukliyeerka Iran oo ay Clinton qeyb ka qaadatay wadaxaajoodyadiisa.

Heshiiskaasi ayuu ku tilmaamay mid masiiba u ah Mareykanka.Clinton waxay ku tilmaantay wax lala yaabo in Trump uu isbedalka cimilada ku tilmaamo been uu Shiinuhu abuuray.

Doodan waa tii ugu horreysay seddax dood oo dhexmeri doonta labada musharrax ka hor inta codbixiyayaasha Maraykanka aysan codkooda dhiiban 8 bisha Nofeember.

 

Did you like this? Share it:

LEAVE A REPLY

Please enter your comment!
Please enter your name here