Kulan tahriibka looga hadlay oo muqdisho ka dhacay

2379

Dood ku saabsanaayd sidii looga hortagi lahaa dhibaatada Tahriibka, loogana wacyi gelin lahaa dhalinta in ay galaan badaha, oo lagu qabtay Muqdisho ayaa waxaa qeybta hore marti ku ahaa Guddoomiyaha Degmadaa Kaxda iyo Korneeyl Zakiya Xuseen.

Korneyl Zakiya Xuseen oo ka tirsan lamaha ammaanka ayaa ka hadashay doorka laamaha ammaanku  ay ka qadanayaan ka hortagga Tahriibka, iyadoo bulshada ka codsaday in gacan lagu siiyo arrintaasi.

Dhalinyarada ka qaybgalayay barnaamijka ayaa dhankooda waxa ay weydinayeen  Su’aalo la xariira dhibatooyinka tahriibka, Cabdiladiiful Badawi oo ah Guddoomiyaha degmada Kaxda oo ka jawabayay Su’alha Dhalinta ka imanayay ayaa xusay sanadihii u danbeyay Dhallinyarada sida sharci darrada ah uga gudbay iyo kuwa ku nafwayaay biyaha  qaaradda  yurub ay isa soo tarayeen.

Guddoomiye Ku-xigeenka Ururka Haweenka Qaranka Canab Xasan Cilmi iyo Guddoomiyaha ururka haweenka Gobolka banaadir Jawaahir Baarqab oo martida kasoo qayb gashay ka mid ahaa ayaa ka hadlay kaalinta hooyooyinka Soomaliyeed ay ka qadaan karaan ka hortaga tahriibka, iyagoo xusay inay ka go’antahay sidii wadajir looga qeyb qaadan lahaa joojinta tahriibka.

Intaasi kadib waxaa la guda galay qeybta danbe ee doodda waxaana marti ku ahaa Xildhibaan faarax Sheekh Cabdulqaadir oo horay u soo noqday Wasiirka Cadaalada iyo Wasiirka Dahlinyaradaa iyo Cayaaraha Maxamed Cabdullahi Xasan “Nuux” ayaa dhankooda ka hadlay doorka ay dowladda ka qaadan karto, iyagoo si wada jir ah u tilmaamay inay la shaqeynayaan hay’adaha amniga ee arrintan loo xilsaaray, isla markaana ay wacyi gelin u sameynayaan dhalinta badaha ku dhamaneysa.

Wasiirka diinta iyo Awqaafta Cabdulqaadir Sheekh Cali Ibraahim “Baqdaadi” ayaa sheegay in Wasaaraddu ay gacan ka geysan doonto wacyi gelinta dhallinyarada, si looga digo qatarha ay leedahay tahriibka.

 

 

Did you like this? Share it:

LEAVE A REPLY

Please enter your comment!
Please enter your name here