Doorashada Aqalka Hoose ee Cadaado ka dhacay oo maanta hal kursi lagu tartamay

Doorashada xubnaha Aqalka Hoose ee Baarlamanka Soomaaliya ee ka socota magaalada Cadaado ayaa waxaa maanta lagu tartamay hal kursi, kaas oo ay u taagnaayeen laba musharax oo kala ah Cali Shiikhdoon iyo C/saabir Nuur Shuuriye.
Goobta ay doorashadu ka dhacaysay ayaa waxaa goob joog ka ahaa kormeerayaal maxali ah, iyadoo codaynta Egada oo 45-ahayd  ka dib uu natiijada ku dhawaaqay gudoomiyaha gudiga doorashada ee heer dawlad goboleed ee Galmudug Xuseen Sh Maxamuud.
C/saabir Nuur Shuuriye oo maanta ku guulaystay kursiga xildhibaanimo ee lagu tartamay ayaa sheegay inuu xilkaas ugu shaqayndoono dalka iyo dadka uu matalo, isagoo xusay inuu ka qayb qaadan doono hormarinta dalka.
Kursigan maanta uu ku guulaystay C/saabir Nuur ayaa ah kii 30-aad, iyadoo 6-da kursi hartay doorashadooda dhawaan la soo gaban gabayn doono.
Did you like this? Share it:

LEAVE A REPLY

Please enter your comment!
Please enter your name here