Doorashada Madaxtinimada Masar oo gashay maalinteedii labaad 

0
434

In ka badan 60 Milyan  qof oo Masaari ah oo  xag u yeeshay inay codadkooda ka dhiibtaan Doorashada Madaxtinimada dalka Masar ayaa haatan ka qayb qaadanaya doorashada oo gashay maalinteedii labaad, waxayna  ka socotaa dhamaan Gobolada dalka Masar.

La taliyaha sare  ee hay’adda wadaniga  ah ee dalka Masar Mahmuud Sahariif  ayaa ragga wararka fidiya u sheegay in malintii koowaad ee Doorashada  oo ku beegneyd shalay oo bisha March ay aheyd 26 ay isugu soo baxeen dhamaan goobaha codbxinta oo la dhigay sanaadiqda codadka lagu rido dad aad u fara badan si ay codadkooda u dhiibtaan, wuxuuna intaa  raaciyay in magaalooyinka Qaahira,Alaskandariya,Alqilyubiya,Usyud iyo Aswan ay  ahaayeen magaalooyinka ugu tira badnaa ay codbixiyayaashu sida aadka u badan ay isugu soo baxeen.

Wuxuu kaloo intaa raaciyay in waqooyiga Gobolka Sinaay oo inta badan ay ka dhacaan shaqaaqooyinka kooxaha xagjirka ah ay ka wadaan ay tiro aan sidaa u badnayn isugu soo baxeen goobaha la dhigay sanaadiiqda codadka lagu rido.

Koox warfidiyeenno ah oo ka socotay Idaacadda BBC-da o kormeerayay goobaha ay doorashada Madaxtinimada Masar ka socoto ayaa sheegay in dadka codadkooda ka dhiibanaya Doorashada ay u badnaayeen dad da’ ah iyo Haween ,iyadoo nabadgelyada goobaha  codbixinta ay aheyd mid aad u suganayd, halka maciishada iyo ascaarta cunooyinka lagamamaarmaanka ahna ay xogaa laga dareemayay sare u kacac tan iyo markii doorashada ay ka bilaabatay dalka Masar.

Doorashadan  Madaxtinimada ah ee ka socota dalka Masar ayaa waxaa Madaxweynaha Masar Abdul fataax siisii kula tartamayaa hal murashax oo keliya,kaasoo ah Musa Mustafa Musa oo ka socoda xisbiga Berito, waxaana la sheegay in musharaxn siisii kula tartamaya doorashada laga aqoonin bulshada  Masar Dhexdeeda, ka qayb galkiisa doorashadana ay u muuqato mid maqaar saar ah oo u hiilinaysa Madaxweynaha Masar Abdulfataax Alsisi si uu xukunka mar kale ugu soo noqodo.

Warku wuxuu intaa ku daray sida qorshuhu yahay  waxaa natiijada Doorashada la shaacin doonaa  2-da bisha Abril ee soo socota, hadii uu ku guulaysto Madaxweynaha Masar ee haatan talada dalkaasi haya, waxa u mar kale xukunka sii hayn doonaa  muddo afar Sano oo kale, sida uu qabo dastuurka Masar xaq uma yeelan doono inuu mar sadexaad isu soo sharxo Madaxweyninimada dalkaasi.

Did you like this? Share it:

LEAVE A REPLY

Please enter your comment!
Please enter your name here