Doorashada xubnaha gobollada Waqooyi oo ka bilaabaneysa Muqdisho

Waxaa maanta lagu wadaa in mar kale magaalada Muqdisho ay dib uga bilaabato doorashada golaha shacabka ee xubnaha gobolada waqooyi, kaas oo maalmo kooban hakad uu ku yimid.

Doorashadan oo lagu dooran doono xubnaha gobolada waqooyi ee Soomaaliya u matalaya Baarlamaanka cusub ayaa dib u bilaabashadeeda waxey ka dambeysay kaddib war go’aano kasoo baxay shirka madasha  oo ku aadanaa in la dhameystiro xubnaha golaha shacabka ee wali aan la dooran si isla sanadkaan loo doorto Madaxweynaha cusub ee dalka.

Xarunta ay ku jiraan ergooyinka gobolada waqooyi waxaa ka soconaya qaban qaabo xoogan, gudiga doorashooyinka heer Federaal ayaana warbaahinta ku war galiyey in maanta la dooranayo xubno kamid ah kuwa ku tartamaya kuraasta gobolada waqooyi ee dalka.

Horey waxaa doorasho ka dhacday magaalada Muqdisho ugu soo baxay xubno ay kamid yihiin Maxamed Cumar Carte, Caasho Koos, C/raxmaan Ducaale Beyle iyo kuwa kael, kuwaas oo kasoo jeeda gobolada waqooyi ee Soomaaliya

LEAVE A REPLY

Please enter your comment!
Please enter your name here