Doorashadii Golaha Deegaanka Galkacyo oo la soo gaba gabeeyay+Sawirro

Xilli maalmihii udanbeeyay magaalada Galkacyo ee xarunta Gobalka mudug ay ka socotay doorashada xubnaha golaha deegaanka dagmada Galkacyo ayaa waxaa maanta si rasmi ah ay u sheegeen wasaarada arimaha gudaha

iyo dowladaha hoose ee Galmudug iyo gudigii loo xilsaray qorshaha doorashooyinka xubnaha golaha deegaanka in  la soo gaba gabeeyay doorashada.

Gudoomiyaha gudigii loo xilsaaray doorashada xubnaha golaha deegaanka
dagmada Galkacyo C/casiis Axmed Bulxan ayaa u sheegay Radio Muqdisho in doorashada Xubnahani ay ahayd mid ay soo dooranayeen xubnaha ka mid noqonaya Bushada dagan Afarta Xaafadood ee Gaalkacyo gaar ahaan dhinaca Maamulka Galmudug,

Waxaanu intaasi ku daray in Bulshadu ay codkooda ku soo doorteen 24 xubnood oo ka mid noqonaya xubnaha golaha deegaanka ee degmada Gaalkacyo kuwaas oo ka kooban marka la isu geeyo 27 xubnood.

Wasiiru Dowlaha wasaaradda arrimaha gudaha iyo dowladaha hoose ee Dowlad
gobaleedka Galmudug Cumar Maxamed Diiriye ayaa isaguna ka hadlay dadaalkii loo galay in xubnaha golaha
deegaanka dagmada Galkacyo lagu soo doorto qaabka codeeynta Bulshada afarta xaafadood ee galkacyo, waxaana uu intaas raaciyay in ay jireen Caqabadooyin ku hor gudbanaa marwalbaa intii ay shaqada doorashada socotay taas oo la xiriirta badankeed dhinaca aqoon la’aanta Bulshada maaddaama ay ahayd markii ugu horeysay muddo dheer kadib.

Dhawaan ayaa la filayaa in la qabto Doorashadii Gudoomiyaha iyo Gudoomiye ku xigeenadii Maamulka Dagmada Galkacyo ee xarunta Gobolka Mudug waxaana haatan ka socda magaalada Olole loogu jiro u tartamida hogaanka maamulka Dagmada Galkacyo.

W/Q= Wariye C/risaaq Maxamed Axmed Galkacyo

DSC00454 DSC00456 DSC00467 DSC00468 DSC00479 DSC00496 DSC00509 DSC00514 DSC00525 DSC00526 DSC00544 DSC00565 DSC00571 DSC00573 DSC00585

LEAVE A REPLY

Please enter your comment!
Please enter your name here