Doorka Haweenka ee Hogaaminta dalka iyo siyaasadda oo laga hadlay “SAWIRRO”

Hotelka Martisoor oo ku yaala magaalada Garoowe ee xarunta Dowlad goboleedka Puntland waxaa maanta kulan ku yeeshay Madaxda Dowladda Federaalka Soomaaliya, Musharaxiinta u taagan xilka Madaxweynaha Jamhuuriyadda iyo madaxda Dowlad Goboleedyada, kuwaas oo magaalada Garoowe u jooga ka qeyb galka madasha aragti Wadaagga ee Heritage.

Kulanka oo  ahaa mid qado ah oo uu Machadka Heritage u sameeyay mas’uuliyiintan waxaan Dowladda Federaalka Soomaaliya uga qeyb galay Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya Mudane Maxamed Mursal Sheekh Cabdiraxmaan, Guddoomiyaha Golaha Aqalka Sare Mudane Cabdi Xaashi Cabdullaahi, Ra’isul Wasaare ku-xigeenka Dalka Mudane Mahdi Maxamed Guuleed (Khadar) iyo sidoo kale mas’uuliyiin kale oo ay Wasiiro ka mid yihiin, dhanka musharixiintana waxaa joogay Madaxweynayaashii hore ee Dalka Xasan Sheekh Maxamuud iyo Sheekh Shariif Sheekh Axmed, Ra’iisul Wasaarihii hore ee dalka Xasan Cali Kheyre, mas’uuliyiin kale oo ay ka midyihiin Cabdikariin Xuseen Guuleed, Mustaf Sheekh Cali Dhuxulow, Shariif Xasan Sheekh Aadan, Sidoo kale waxaa dhinaca Maamulka Goboleedyada ka joogay Madaxweynayaasha Dowlad Goboleedyada Puntland, Jubbaland iyo Galmudug, waxaana shirkan lntiisa badan looga hadlayay xaaladda Wadanka, gaar ahaan xiligan kala guurka ah iyo sidii ay Dalka doorasho la isla ogolyahay uga dhicin laheyd.

Intaasi ka dib  mas’uuliyiiitan ayaa kulan kale oo dhowr saacadood qaatay waxa ay la yeesheen haween Soomaaliyeed oo meelo kala duwan ka kala yimid, waxaana kulankan looga hadlay doorka ay haweenka ku leeyihiin siyaasadda iyo hogaaminta Dalka.

Habeenkii kulanka joogay waxa ay madaxda Garoowe ku sugan ka codsadeen in heshiiska la gaari doono mar walba lagu ilaaliyo qoondada ah 30% ee ay Dumarku leeyihiin, taasi oo loo baahanyahay in ay mar walba noqoto mid ku cad heshiis walba oo la gaaro.

Madasha aragti wadaagga ee Heritage ee ka socda magaaladda Garoowe, waxaa barbar socda kulamo gaar gaar ah oo ay yeelanayaan madaxda madashan ka qeyb galeysa.

LEAVE A REPLY

Please enter your comment!
Please enter your name here