Dowladaha Soomaaliya iyo Jarmalka oo ka wada hadlay horumarinta Waxbarashada iyo Caafimaadka “SAWIRRO”

51

Muqdisho, September, 5, 2018:- Wasirika Waxbarashada Xukuumadda federaalka Soomaaliya Mudane  Cabdullaahi Goodax Barre iyo Wasiirka Qorsheynta Soomaaliya Mudane Jamaal Maxamed Xasan ayaa maanta si wada jir ah u Guddoomiyay shir looga hadlayay mashruuc cusub oo dowladda Jarmalka ugu talo gashay in lagu horumariyo Waxbarashada iyo Caafimaadka.

 

Madaxa arrimaha iskaashiga Safaraadda Jarmalka Mr. Marius Rauh, Madaxa ururka KFW Claudia buerkin, ku xigeenka u qeybsanaha  hay’ada UNICEF Soomaaliya Mr. Jesper Moller, ku xigeenka madaxa hay’adda WFP ilaria Dettor Iyo hawlwadeeno kale, ayaa kulanka goob joog ka ahaa.

Wasiirka Qorsheynta Xukuumadda Federaalka Soomaaliya Mudane Jamaal Maxamed Xassan ayaa dowladda Jarmalka uga mahad celiyay tageerada ay markasta la garab taagan tahay Soomaaliya.

Mudane Cabdulahi Goodax Barre Wasiirka Waxbarashada, Hidaha iyo Tacliinta sare ee Soomaaliya ayaa sheegay in  mashariicdan ay wax badan ka tari doonaan adeegyada Waxbarashada iyo caafimaadka, isla markana nafaqeynta carruurta  ay kor u qaadi doonto, fahamka carruurta ee dhanka Waxbarashada.

“Waxaan bogaadinaya howshan sida wada jirka ay u fulin doonaan hay’adaha UNICEF iyo WFP,  nafqeynta carruurta, waxay door ka qaadaneysa fahamka carruurta ee Waxbarashada, sidaas darteed ka Wasaarad ahaan waxaan kaalin ka qaadan doonaan fulinta masharuucan”ayuu yiri Wasiirka Waxbarashada Soomaaliya Mudane Cabdulahi Goodax Barre.

Wasiirka Waxbarashada Soomaaliya Mudane Cabdulahi Goodax Barre ayaa kula dardaarmay howlwadeenada fulin doona mashruucan inay ka miro dhaliyaan howsha loo igmaday.

 

 

 

Did you like this? Share it:

LEAVE A REPLY

Please enter your comment!
Please enter your name here