Dowladaha Sucuudiga iyo Imaaraadka oo cambaareeyay qaraxii shalay ka dhacay Muqdisho

Dowladaha Sucuudiga iyo Imaaraadka carabta ayaa soo saaray bayaanno kaladwuan oo ay ku cambaareynayaan qarixii shalay ka dhacay waddada Maka Almukaramah ee Muqdisho.

War qoraal ah oo ay soo saartay Wasaaradda arrimaha dibadda ee Sucuudi Carabiya ayaa lagu sheegay in Xukuumadda Riyadh ay si weyn uga xuntahay falkaasi qaraxa ah oo geystay qasaare isugu jira dhimasho iyo dhaawac soo gaaray dad rayid ah.

Boqortooyada Sucuudiga ayaa sheegtay in ay xoojinayso taageerada Dowladda Soomaaliya, islamarkaana ay dowr ka qaadanayso sidii loola dagaallami lahaa maleeshiyada Alshabaab.

War saxaafadeed ka soo baxay Wasaaradda Arrimaha Dibadda iyo Iskaashiga Caalamiga ah ee Imaaraadka Carabta, ayaa lagu dhaleeceeyay qaraxii argagixiso ee shalay ka dhacay Muqdisho.

Warkan qoraalka ah oo ay soo saartay Dowlada Imaaraadka Carabta ayaa ku sheegtay in falkani uu muujinayo sida maleeshiyadka Alshabaab ay u yihiin cadowga shacabka Soomaaliyeed, loona baahanyahay in la xoojiyo dagaalka ka dhanka ah Alshabaab

Did you like this? Share it:

LEAVE A REPLY

Please enter your comment!
Please enter your name here