Dowladda Federaalka ah ee Soomaaliya oo hambalyo u dirtay Madaxweynaha Jabuuti

0
871

Warfaafinta

Dowladda Federaalka ah ee Soomaaliya ayaa hambalyo u dirtay Madaxweynaha Jamhuuiryadda Jabuuti Mudane Ismaaciil Cumar Geelle oo markale ku guulestay doorashada Madaxtinimo ee ka dhacday dalka Jabuuti.

Wasiirka Warfaafinta, dhaqanka iyo Dalxiiska ee Xukuumadda Soomaaliya Mudane Maxamed Cabdi Xayir “Maareeye” oo ku hadlayay magaca dowladda Soomaaliya ayaa hambalyo u diray Madaxweynaha Jamhuuriyadda Jabuuti Mudane Ismaaciil Cumar Geelle oo markale loo doortay xilka Madaxtinimo ee wadanka Jabuuti.

“Anigoo ku hadlaya magaca dowladda Federaalka ah ee Soomaaliya waxaan hambalyo u dirayaa Madaxweynaha Jabuuti Mudane Ismaaciil Cumar Geelle, waxaana soo dhaweyneynaa sida ay u dhacday doorashada, shacabka iyo madaxdooda waxaan leenahay hambalyo” ayuu yiri Wasiirka Warfaafinta.

Madaxweynaha iminka haya talada dalka Jabuuti Mudane Ismaaciil Cumar Geelle ayaa ku guuleystay doorashada Madaxtinimo ee dalka Jabuuti isaga oo helay 68%, halka musharaxa ku xiga oo ka socday xisbiga USN Cumar Cilmi Kheyre isna uu helay 32%.

 

Did you like this? Share it:

LEAVE A REPLY

Please enter your comment!
Please enter your name here