Dowladda Federaalka oo labo Diyaaradood oo gargaar ah u direysa maanta Magaalooyinka Baladweyne iyo Baydhabo

Dowladda Federaalka Soomaaliya ayaa labo Diyaaradood oo gargaar ah u direysa maanta Magaalooyinka Baladweyne iyo Baydhabo.

Goordhow ayaa lagu wadaa labadaas Diyaaradood inay ka baxaan Garoonka Diyaaraha ee Muqdisho iyaga oo ku sii kala jeeda Baladweyne iyo Baydhabo.

Diyaaradaha Gargaarka saaran ayaa loogu talo galay in dadka dhibaateysan si dhaqsi ah loo gaarsiiyo maadaama dadka xaaladooda aad u liidato.

Magaalada Baladweyne ayaa waxaa ku fatahay Wabiga Shabeelle kaas oo inta badan saameeyey Xaafadaha kala duwan ee magaaladaas.

Dadka ayaa intooda badan isaga barakacay Baladweyne iyaga oo dagay duleedka magaalada iyo meelaha dalcadaha si ay uga badbaadaan Fatahaada.

 

LEAVE A REPLY

Please enter your comment!
Please enter your name here