Dowladda Fransiiska oo Xertay ehelada mid ka mid ah shaqsiyadkii fuliyay Weerarkii Paris

0
878

Saraakiisha Dowladda faransiiska ayaa xiray aabaha nin la sheegay in uu ka mid ahaa, dadkii fuliyay weerarkii ka dhacay magaalada Paris, walaalkiis iyo Dumaashidiis oo intaba loo haysto fal uu gaystay Cumar Ismaaciil Mustafe.

Booliska faransiiska ayaa sheegay in Cumar Ismaaciil Mustafe uu ka mid ahaa toddobo ruux oo fuliyey weerarradii ka dhacay dalkaas, kuwaas oo ay ku geeriyoodeen in ka badan 130 ruux halka tira kalana ay ku dhaawacmeen.

Xeer-ilaaliyaha Faransiiska ayaa sheegay in Cumar uu horay diiwaanka ay ugu jireen dembiyo badan oo uu galay, balse dembiyadaasi aysan ahayn kuwa  la xiriirin Arrimaha Argagixisanimada.

Faransiiska ayaa sidoo kale sheegay in meydka mid ka mid ah raggii weerarrada fuliyey laga helay baasaboor Siiriyaan ah, Waxaana loo malaynayaa in ninkaan uu ku soo dhax dhuuntay qaxootiga magangalyo doonka ah ee soo galaya qaaradda Yurub.

 

Did you like this? Share it:

LEAVE A REPLY

Please enter your comment!
Please enter your name here