Dowladda Jarmalka oo Itoobiya ugu deeqday diyaarad aan duuliye lahayn

Dalka Jarmalka ayaa Wasaaradda Beeraha ee Itoobiya ugu deeqay diyaarad ah nooca aan duuliyaha laheyn oo casri ah, si ay ugala dagaalanto Ayaxa faraha badan ee ku habsaday bariga dalka Itoobiya

Safiirka Jarmalka ee Adis Ababa ayaa diyaaradan ku wareejiyay Wasiirka Beeraha ee Itoobiya Oumer Hussein.

Diyaaradda ayaa loo adeegsan doonaa in lagu buufiyo Ayax lixaad leh oo ku degay gobolada Cafarta iyo Soomaalida ee dalka Itoobiya

Ayaxa ayaa diiranaya baadka xoolaha iyo sidoo kale dhulka beeraha.

Qaramada Midoobay ayaa sheegtay in guud ahaan Gobalka geeska Afrika oo dalkeena Soomaaliya uu ku jiro uu wajahayo halis weyn oo dhanka Ayaxa ah

Ayaxan ayaa la sheegay in uu ka yimi dhanka dalka Yemen, waxaana la saadaalinayaa Ayax kale oo hor leh in uu soo gaaro gobolka Geeska Afrika.

W/D: Maxamed Maxamuud Dhoore (London)

 

 

LEAVE A REPLY

Please enter your comment!
Please enter your name here