Dowladda Nigeria oo qabatay horjoogaha koox xiriir la leh Al-qaacidda

0
1752

Dowladda Nayjeriya ayaa sheegay iney qabatay hogaamiyaha kooxda mintidiinta ah ee Ansaaru oo xiriir la leh ururka Al Qaacidda.

Afhayeenka milateriga dalka Nigeriya ayaa xaqiijiyay  in horjoogaha kooxdaasi Ansaaru Khalid Al Barnawi ay ciidanku ku qabteen howlgal ay ka fuliyeen gobolka Kogi ee dhaca bartamaha dalkaasi.

Wuxuu intaasi sii raaciyay afhayeenka meleteriga dalkaasi Nijeriya in horjoogahan ay ku hayaan xabsi gaar ah islamarkaana dhawaan sharciga la horgeyn doono.

Dowladda Maraykanka ayaa ninkaas madaxiisa dul dhigtay 5 Malyan oo Doollar.

Kooxda Ansaru ayaa ka go’day ururka Boko xaraam oo falal argagixiso ka fulisa dalkaasi iyo wadamada jaarka la ah, Waxaana lagu yaqaannaa afduubka ajaanibta, ayadoo lagu eedeeyey dilka tiro dad ah oo reer galbeed ah.

Kooxda uu hogaamiyo horjogahan la qabtay ee Ansaru waxay hore u sheegatay  weerar lagu qaaday xabsi aad loo ilaaliyo oo ku yaalla caasimadda Nayjeeriya ee Abuja 2012, ayagoo oodda ka qaaday tiro maxaabiis ah.

Did you like this? Share it:

LEAVE A REPLY

Please enter your comment!
Please enter your name here