Dowladda oo hay’adaha samafalka kala hadashay u gurmashada dadka ay abaaruhu saameeyeen

922

Kulan ay soo qaban qaabiyeen Guddiga Abaaraha ee Golaah Wasiirada ayaa lagu soo bandhigay xadiga abaaraha ka jirta gobollada dalka, waxana goob joog ka ahaa mas’uuliyiinhta  hay’adaha gargaarka ee Qaramada Midoobe, iyadoo dhanka qadka uu uga qeyb galay xubnaha Qaramada midoobe ee ku sugan Magaalada Nairobi.

Shirak ayaa waxa la isku weedaarsaday doorka Hay’adaha gar gaarka iyo talaabooyinka ilaa hadda ay qaaday Dowladda Soomaaliya si loo caawiyo dadka ay abaaruhu saameeyeen.

Ra’iisul wasaare ku-xigeenka dalka Mudane Maxamed Cumar Carte ayaa kulanka ka sheegay in abaarto ay baahsan tahay,  loona baahan yahay talaabooyinka deg deg ah oo loo qaado wax ka qabashadeeda,  isla markaana ay Dowladda ilaa iminka ku bixisay dhaqaalo wax ka qabashada Abaaraha.

Wasiirka Warfaafinta Dhaqanka iyo Dalxiiska Mudane Maxamed Cabdi Xayir Maareeye Wasiirka Caafimaadka Xaawo Xasan Maxamed iyo Wasiiro Dowlaha xafiiska Ra’iisul wasaraha ee arimaha bii’ada ayaa ayaa tilmaamay inay laga maar maantahay inay Caalamku uu si deg deg ah Soomaaliya wax ugula qabto abaaraha ka jira gobolada dalka.

Wasiiru dowladaha arrimaha gudaha iyo Federaalka ee Xukuumadda Soomaaliya Mudane Cabdirashiid Maxamed Xidig oo kulanka kaddib la hadlay Saxaafadda ayaa sheegay in ujeedka kulanka uu ahaa sidii hay’adaha samafalka ay gacan uga geysan lahaayeen u gurmadashada dadka ay abaaruhu ku dhufteen.

“Waxaam la kulanay  Hay’adaha Samafalka ee ku sugan Muqdisho iyo Nairobi waxaana kala hadalnay  wax qabashada abaaraha si deg deg ah, marka waa inaan la siyaasadeen gurmadka deegaanada dowaldda maamusho iyo kuwa Al-Shabaab ay ku suganyihiin, dowladdu waxa ay ku howlantahay badbaadinta naf” ayuu yiri Wasiir Xidig.

Wasiiru dowladaha arrimaha gudaha iyo Federaalka aya tallaabo farxad leh ku tilmaamay in dhaqaalaha Mas’uuliyinta iyo shaqaalaha Dowaldda ay iska aruurriyeen la gaarsiiyay qeyb ka mid ah meelaha ay abaaruhu sameeyeen

Dowladda Soomaaliya oo in ka badan labo milyan oo dolar ugu talagashay dadka ay abaaruhu saameeyeen ayaa dhawaan hal milyan oo doolarka mareykanka ku wareejisay guddiga gurmadka abaaraha, kuwaasi oo gaarsiiyay dadkii loogu talagalay.

Did you like this? Share it:

LEAVE A REPLY

Please enter your comment!
Please enter your name here