Dowladda oo sheegtay in qorshe lagu yareynayo gubashada suuqyada la hirgalin doono

1211

Wasiirka warfaafinta mudame Maxamed Cabdi Xayir “Maareeye” ayaa sheegay in dowladdu hirgelin doonto qorshe lagu yareynayo gubashada ku soo noqnoqotay suuqyada magaalada Muqdisho.

“Marar badan ayuu dab ku soo noq noqday Suuqyada magaalada Muqdisho, waxaa wadnaa qorshe aan ku kala saareyno goobaha shidaalka lagu iibiyo iyo meelaha kale sida maqaayada, Ganacsatadana waxaa mas’uul ka saaran inay meelaha ay shidaalka dhiganayaan inay ka taxadaraan”ayuu yiri wasiirka oo warbaahinta la hadlay.

Wuxuu tilmaamay in dhaqan galinta qorshahaan loo mari doono in dib loo eego qaabka ay suuqyadu u sameysan yihiin, ayadoo si gooni ah loo saari doono ganacsiga halista keeni kara.

“Dowladda waxa ay ku tala jirtaa in goobaha ganacsi la isu raacin doono sida ay isu raaci karaan oo lakal saaro goobaha shidaalka lagu iibiyo iyo maqaayadaha, si looga hortago dabka ku soo noq noqday suuqyada magaalada, dowladduna waxaa u qorsheysan inay sameyso qorshe arrimahaasi wax looga qabanayo”

Suuqyo ganacsi ayaa dhowr jeer ku gubtay gudaha dalka, waxaana ku baaba’ay hanti badan oo ay lahaayeen ganacsato Soomaliyeed.

Did you like this? Share it:

LEAVE A REPLY

Please enter your comment!
Please enter your name here