Dowladda Soomaaliya oo Cambaareysay weerarkii lagu dilay Guddoomiyihii Gobolka Mudug ee Puntland

Muqdisho 17 May 2020, Dowladda Soomaaliya waxay cambaareeneysaa qarixii
bahalnimada ahaa ee ka dhacay Gaalkacyo kaasi oo lagu dilay dad shacab ah iyo
gudoomiyihiii gobolka Mudug.

Wasiirka Warfaafinta, Dhaqanka iyo Dalxiiska XFS mudane Maxamed Cabdi Xayir Maareeye oo ku hadlayay magaca dowladda ayaa sheegay in ay Murugada iyo tiiraanyada la qeybsanayaan shacabka Magaalada Gaalkacyo ee maanta weerarka argagixisada ah lala beegsaday.

Wasiirka Warfaafinta, Dhaqanka iyo Dalxiiska XFS ayaa si kulul u cambaareeyay weerarkabahalnimada ee lagu dilay gudoomiyihiii gobolka Mudug Allaha u naxariisto Axmed Muuse Nuur yare iyo dad shacab ah oo aan waxba galabsan.

Dowladda Soomaaliya waxay tacsi tiiraanyo leh u direysaa Qoysaska iyo Ehaladii ay
waxyeeladu kasoo gaadhay weerarkaasi.Waxayna shacabka Soomaaliyeed ugu baaqaysaa in meel looga soo wada jeesto ladagaalanka iyo cidhibtirka Argagixisada oo aan cidna utudhaynin.

LEAVE A REPLY

Please enter your comment!
Please enter your name here