Dowladda Soomaaliya oo tallaabadii koowaad u qaaday barnaamijka deynta looga cafinayo

635

Dadaal badan ka dib Dowladda Soomaaliya ayaa ku guuleystay tallaabadii koowaad ee Hey’adda Lacagta Aduunka IMF ay deymaha ugu cafineyso Soomaaliya.

Dowladda Soomaaliya ayaa buuxisay shuruudii koowaad ee barnaamijka SMP oo ay horay Wasaaradda Maaliyada ula saxiixatay Hey’adda IMF.

Wasiirka Maaliyadda ee Xukuumadda Soomaaliya Mudane C/raxman Ducaale Beyle ayaa sheegay in wax badan ay suurta galeen Saddexdii bil ee la soo dhaafay, iyadoo lagu guuleysatay inay soo xareyso dowladda dakhliga gudaha ee looga baahnaa mudadaas oo ahaa lacag gaareysa 41-milyan oo dollar.

Mudane C/raxman Ducaale Beyle ayaa sheegay in dadaalada lagu kordhinayo dakhliga gudaha la sii badin doono, si loogu adeego dalka iyo dadka, wuxuuna sidoo kale sheegay inuu rajaynayo in daymaha kale laga cafiyo Soomaaliya.

Sanadkan gudihiisa ayaa dowladda Soomaaliya looga fadhiyaa inay ku buuxiso shuruudaha kale u harsan ee Barnaamijka SMP, kaasoo ah jidkii deymaha looga cafin lahaa.

Ra’iisul Wasaaraha Soomaaliya Xasan Cali Kheyre ayaa kormeer ku tagay xarunta Wasaaradda Maaliyadda, halkaasoo uu ku soo dhoweeyay Wasiirka Maaliyadda Beyle, Wasiir kuxigeenka iyo Mas’uuliyiinta kale ee Wasaaradda.

Did you like this? Share it:

LEAVE A REPLY

Please enter your comment!
Please enter your name here