Dr Kooshin oo howlo indho fiiqis ah ka sameeyay gobollada Dhexe oo lagu soo dhaweeyay Dhuusamareeb “SAWIRRO”

Midowga Dhakhaatiirta Galmudug iyo Wasaaradda Caafimaadka Dowlad Goboleedka Galmudug ayaa munaasabad soo dhowayn ah u sameeyey Dr: Maxamed Cabdullaahi Kooshin oo qaliimo indho-fiiqis ah ka sameeyey Gobolada Dalka, kuwaas oo gaaraya ilaa Shan iyo Toban kun oo Qof.

Bahda Caafimaadka ayaa ku amaanay shaqada uu Bulshada Soomaaliyeed u hayo waxa ayna ku dhiirigaliyeen dadaalka uu sameeyey.

Agaasimaha Wasaaradda Caafimaadka Galmudug Dr: Cabdiwali Axmed Maxamuud oo munaasabadda ka hadlay ayaa xusay guusha uu soo hooyey inay tahay mid ay wada gaareen Bahda Caafimaadka Dalku.

Ugu dambayn waxaa Munaasabada ka hadlay Wasiir ku-xigeenka Wasaaradda Caafimaadka Galmudug Dr: Mahad Caabi waxa uuna sheegay in Wasaaraddu ku dhiirigalinayso shaqada uu bulshada u qabtay.

Gobolada Dalka ayaa waxaa aad ugu badan baahiyaha loo qabo indha-fiiqista Deegaannada Galmudug ayaana mararka qaar laga fuliyaa qaliimo loo samaynayo Dadka Araga Naafada ka ah.

LEAVE A REPLY

Please enter your comment!
Please enter your name here