Gaalkacyo oo maanta suuq cusub laga hirgaliyay”Sawirro”

3471

Suuq cusub oo loogu tala galay in lagu iibiyo hilibka iyo qudrada isla markaana maamulka Dagmada Galkacyo ee Galmudug uu ka hirgaliyay bartamaha Suuqa weyn ee magaaladaasi ayaa maanta waxaa si rasmi ah xarigga uga jaray duqa dagmada Galkacyo Xirsi Yuusuf Barre oo ay wehliyeen mas’uuliyiin ka tirsan golaha deegaanka dagmada Galkacyo.

Xirsi Yuusuf Barre  gudoomiyaha Dagmada Galkacyo oo ka hadlay munaasabada xarig jarka suuqaasi cusub ayaa faah faahin ka bixiyay ujeedada loo dhisay suqaan iyo ahmiyada uu u leeyahay bulshada
Galkacyo.

‘Suuqaan waxaan ku dhisnay Canashuurtii aan idinka qaadnay Waxaana Ugu tala galanay In waxyaabaha lagu iibiyo banaanka oo ay ka mid yihiin qudaarta iyo hilibka aad ku gadataan Maamulka Waxa uu diyaar u yahay in wixii uu idinka qaado canshuur ahaan uu dib idinkugu soo celiyo oo adinka wax idinku guqabto Suuqaan haddii horay loo oran jiray darxumo Maanta waxaa lagu magacaabaa daryeel Midda kale maamulku wuxuu idin diyaarinayaa goobo asturan oo aad wax ku iibsataan Maanta kadibna Ma ogalaan doono in dariiqyada wax lagu iibiyo’ ayuu yiri Duqa dagmada Galkacyo xirsi Yuusuf Barre

Hirgalinta suuqaan ayaa waxaa si weyn usoo dhaweeyay qeybaha kala duwan ee bulshada ku ganacsata suuqa weyn ee magaalada kuwaasoo qaarkood ahaa kuwa  ku ganacsada wadooyinka cariirigaa ee dhaxmara
suuqa weyn ee Galkacyo.

vlcsnap-2016-05-02-15h23m25s69 vlcsnap-2016-05-02-15h23m36s198 vlcsnap-2016-05-02-15h23m45s31

vlcsnap-2016-05-02-15h25m15s181 vlcsnap-2016-05-02-15h24m57s3 vlcsnap-2016-05-02-15h24m27s196

Sawir qaade C/risaaq Maxamed Axmed (Galkacyo)

Did you like this? Share it:

LEAVE A REPLY

Please enter your comment!
Please enter your name here